Qeveria e Kosovës ka miratuar vendimin për ndërmarrjen e masave të reja, me qëllim të parandalimit të përhapjes dhe të kontrollit të infeksionit me COVID-19 në katër komunat veriore të Kosovës. “Qeveria ka aprovuar kërkesën e Ministrisë së Shëndetësisë që duke filluar nga data 8 korrik 2020, nga ora 21:00 deri në orën 05:00, të ndalohet çfarëdo qarkullimi i personave fizikë jashtë shtëpive/banesave të tyre në komunat e Mitrovicës së Veriut, Zubin Potokut, Leposaviqit dhe Zveçanit”, thuhet në njoftimin e qeverisë. Читать дальше...
Sekretari amerikan i Shtetit, Mike Pompeo, tha më 8 korrik se Shtetet e Bashkuara "do të ndërmarrin veprime që ruajnë dhe mbrojnë" të dhënat private të amerikanëve që të mos bien në duart e Partisë Komuniste Kineze. "Pra, ajo që do të shihni është se administrata amerikane do të ndërmarrë veprime që ruajnë dhe mbrojnë atë informacion dhe mohojnë qasjen e Partisë Komuniste Kineze në informacione private që u takojnë amerikanëve", tha Pompeo. Pompeo ka thënë më herët se zyrtarët e SHBA-së janë... Читать дальше...
Në të dhënat zyrtare nga Instituti i Shëndetësisë Publike në Kosovë (IKSHPK) për numrin e të infektuarve dhe të vdekurve nga COVID-19, sëmundje që shkaktohet nga koronavirusi i ri, nuk janë të përfshirë në baza ditore edhe të dhënat nga mjediset e banuara me serbë. Megjithatë, këto të dhëna të përditshme përfshihen në një bazë të të dhënave në nivel të Serbisë. Ministria e Shëndetësisë në Kosovë ka konfirmuar për Radion Evropa e Lirë se i pranon të dhënat për të infektuarit me koronavirus nga mjediset serbe... Читать дальше...
Presidenti i Kosovës, Hashim Thaçi ka njoftuar se është ftuar për intervistim nga Prokuroria Speciale në Hagë. Thaçi ka thënë se të hënën (13 korrik) do të udhëtojë për në Hagë. “Deri sa bashkëluftëtarët e mi dhe unë do të përballemi me dinjitet dhe integritet me drejtësinë ndërkombëtare, ju ftoj që të bashkuar t’i përballojmë sfidat me të cilat po përballet vendi”, thuhet në njoftimin e presidentit të postuar në rrjetin social Facebook. Me 24 qershor, Zyra e Prokurorit të Specializuar... Читать дальше...
Presidenti i Kosovës, Hashim Thaçi ka njoftuar se të hënën, më 13 korrik, do të udhëtojë për në Hagë me ftesë të Prokurorit Special. Përmes një njoftimi në Facebook, Thaçi tha se është i ftuar për intervistim. “Më lejoni të ndaj me ju se të hënën do të udhëtoj për në Hagë si i ftuar nga Prokuroria Speciale për t’u intervistuar. Deri sa bashkëluftëtarët e mi dhe unë do të përballemi me dinjitet dhe integritet me drejtësinë ndërkombëtare, ju ftoj që të bashkuar t’i përballojmë sfidat me të cilat po përballet vendi. Читать дальше...
Mbi tre milionë është numri i të infektuarve me koronavirusin e ri në Shtetet e Bashkuara, sipas të dhënave të Universitetit John Hopkins. Numri i viktimave ka arritur në më shumë se 131,000. Koronavirusi, që shkakton sëmundjen COVID-19, ka prekur mbi 11 milionë njerëz në gjithë botën. Prej tyre, mbi 544,000 kanë vdekur, ndërsa mbi 6.4 milionë janë shëruar. Rastet e para u paraqitën në Kinë, në dhjetor të vitit të kaluar. Shumë shpejt virusi u përhap në tërë botën. Shtetet e Bashkuara janë... Читать дальше...
Që nga shfaqja e rasteve të para me koronavirus në Kosovë, në mesin e muajit mars të këtij viti, institucionet shëndetësore në Kosovë dhe Ministria e Shëndetësisë, kishin premtuar transparencë të plotë lidhur me zhvillimet që ndërlidhen me pandeminë. Kjo pandemi, deri më 7 korrik, në bazë të raportimit të Institutit Kombëtar të Shëndetësisë Publike të Kosovës (IKSHPK), ka marrë 82 jetë. Numrat e personave të infektuar, të shëruar dhe të rasteve aktive, si dhe të rasteve të vdekjes, janë publikuar... Читать дальше...
Gazetaret përballen me rreziqe të veçanta derisa ushtrojnë profesionin e tyre dhe qeveritë duhet të bëjnë më shumë për t'i mbrojtur ato nga dhuna me bazë gjinore, tha Dubravka Shimonoviq, Raportuese e Posaçme për dhunën ndaj grave, në një raport të paraqitur para Këshillit të të Drejtave të Njeriut në Gjenevë. “Që nga viti 1992, 96 gazetare janë vrarë derisa kryenin punët e tyre. Megjithëse më shumë burra vdesin çdo vit, gratë përballen me sulme seksuale, përdhunime, dhe veçanërisht kërcënime për përdhunim... Читать дальше...
Të paktën gjashtë pjesëtarë të policisë afgane janë vrarë gjatë dy sulmeve të talibanëve. Incidenti i parë ndodhi në provincën e Kandaharit, ku tre pjesëtarë të forcave të sigurisë afgane u vranë dhe rreth 20 persona tjerë u plagosën pas shpërthimit të një bombe, e cila ishte e vendosur në një kamion. Sulmi i dytë ndodhi në provincën Ghazni. Zyrtarët thanë se një bombë e vendosur në rrugë vrau tre pjesëtarë të sigurisë, përfshirë shefin e policisë së rrethit Dayak. Shefi i policisë po inspektonte... Читать дальше...
Qeveria e Maqedonisë së Veriut duhet vendos nëse shtetasit e Kosovës, Serbisë, Malit të Zi dhe Bosnjës, gjatë hyrjes në këtë shtet të kenë test negativ të koronavirusit, jo më të vjetër se 72 orë. Këtë e ka propozuar komisioni për Sëmundje Infektive në Shkup pas vlerësimeve se në këto shtete të rajonit ka përkeqësim të gjendjes me COVID-19. “Informacionet që kemi siguruar tregojnë se në këto shtete numri i infektuarve është vërtetë i madh. Ne, duhet të mbrohemi. Kjo është masë e duhur për të mbrojtur qytetarët tanë. Читать дальше...
Presidenti i Serbisë, Aleksandar Vuçiq, ka thënë se nuk ka asnjë dyshim se protestat e dhunshme në Beograd kanë pasur për qëllim dobësimin e pozicionit të Serbisë para bisedimeve në Paris dhe Bruksel. “Më shumë detaje do të bëhen të ditura pasi shërbimet tona të bëjnë një analizë të ngjarjeve”, tha Vuçiq në një konferencë për media në Beograd, një ditë pasi potestuesit sulmuan ndërtesën e parlamentit serb, për të kundërshtuar planet për rivendosjen e orës policore si masë kundër pandemisë. Incidentet... Читать дальше...
Institucionet private shëndetësore në Kosovë nuk do të kryejnë testime virologjike, apo testimin me metodën PCR për koronavirus. Kjo metodë e testimit përcakton saktë se a ekziston virusi në trup dhe bazohet në analizën e mostrave të strishos në hundë dhe aktualisht bëhet vetëm në Institutin Kombëtar të Shëndetësisë Publike. Njëra nga masat e reja të Qeverisë së Kosovës për parandalimin e pandemisë COVID-19 është pikërisht “licencimi i institucioneve private shëndetësore për të kryer testime për COVID-19... Читать дальше...
Ministri i Punës dhe Mirëqenies Sociale në Qeverinë e Malit të Zi, Kemal Purishiq, është infektuar me koronavirusin e ri. Lajmin e bëri të ditur qeveria malazeze, përmes një postimi në rrjetin social Twitter. "Prej rezultateve të mbrëmshme të testit, ministri dhe gruaja e tij kanë qenë në izolim", thuhet në deklaratë. Në Mal të Zi, sipas të dhënave të fundit, janë regjistruar 66 raste të reja të të infektuarve me koronavirus. Dy persona kanë vdekur të martën nga sëmundja COVID-19, ka njoftuar Instituti i Shëndetit Publik. Читать дальше...
Austria lëshoi një paralajmërim udhëtimi për disa vende të Ballkanit, pasi disa njerëz që mbërritën nga rajoni, dolën pozitivë në testet për koronavirus. Kancelari austriak, Sebastian Kurz, tha të mërkurën në një konferencë për media se paralajmërimet janë për Bullgarinë, Rumaninë dhe Moldavinë. Në bazë të paralajmërimeve, kushdo që hyn në Austri nga njëri prej këtyre vendeve duhet të tregojë testin negativ për koronavirus ose të izolohet për 14 ditë. Qeveria austriake tha se do të rrisë kontrollet... Читать дальше...
Shtatë anëtarë të grupit të ekspertëve të pavarur për procesin e vetting-ut në sistemin e drejtësisë në Kosovë dhanë dorëheqje. Ata e bënë të ditur këtë përmes një letre që i kanë dërguar ministrit të Drejtësisë, Selim Selimi, dhe kryeministrit të Kosovës, Avdullah Hoti. Për vetting-un në drejtësi, apo procesin e verifikimit të prokurorëve dhe gjyqtarëve, u kërkua ndihma e një grupi të ekspertëve të pavarur, të cilët do të ofronin skenarin e reformës në vetting. Ky grup u themelua nga qeveria e kaluar, nën udhëheqjen e Albin Kurtit. Читать дальше...
Rajoni i Katalonjës në Spanjë e bëri të detyrueshme për të gjithë banorët dhe vizitorët vendosjen e maskës në publik. Masa, që ka për synim të frenojë përhapjen e koronavirusit, do të hyjë në fuqi të enjten. Për të ndihmuar zbatimin e saj, presidenti i Katalonjës, Quim Torra, tha se në të gjithë rajonin do të shpërndahen maska dhe pajisje të tjera mbrojtëse. "Maskat do të jenë të detyrueshme në të gjithë Katalonjën, jo vetëm në rajonin Segria. Mendoj se është një masë e rëndësishme", tha Torra. Читать дальше...
Ndalimi i një kamioni me 211 migrantë të hënën në mbrëmje në qytetin e Gjevgjelisë së Maqedonisë së Veriut pranë kufirit me Greqinë, si dhe një aksident trafiku të martën në qytetin e Strumicës, ku në një maune gjendeshin afër 50 migrantë, ka alarmuar institucionet për rikthimin e valës së migrantëve nga shtetet aziatike, të cilët shfrytëzojnë territorin e Maqedonisë së Veriut drejt destinacionit të tyre të fundit, vendet e Bashkimit Evropian. Migrantët janë nga Bangladeshi, Pakistani, Siria, Afganistani, por edhe nga vende tjera aziatike. Читать дальше...
Shërbimi Spitalor dhe Klinik Universitar i Kosovës (SHSKUK) njoftoi se 270 pacientë me koronavirus janë duke u trajtuar në klinikat e Qendrës Klinike Universitare të Kosovës (QKUK) dhe në shtatë spitalet e përgjithshme. Sipas njoftimit, në klinikat e QKUK-së po trajtohen 186 pacientë. Prej tyre, 107 janë të shtrirë në Klinikën Infektive, ku dy janë në mjekim intensiv, për shkak të gjendjes së rëndë shëndetësore, ndërsa 55 pacientë të tjerë po trajtohen me oksigjenoterapi. Në Mjekësinë Sportive janë të shtrirë 15 pacientë... Читать дальше...
Kryeministri i Kosovës, Avdullah Hoti, tha se në komunat e pjesës veriore të vendit, nuk mund të zbatohet masa e karantinës së përgjithshme, nëse për këtë nuk ka një vendim të institucioneve të Kosovës. Pas mbledhjes së Komitetit për Menaxhimin e Situatës së pandemisë, Hoti tha se në këto komuna vlen vetëm ligji i Kosovës. "Nëse ka nevojë qeveria do të marrë vendim që të zbatohet kufizimi i lëvizjes në këtë pjesë", tha Hoti, duke shtuar se brenda territorit të vendit, vlejnë vetëm ligjet q e Kosovës. Читать дальше...
Në përvjetorin e 21-të të vrasjes së vëllezërve Agron, Mehmet dhe Yll Bytyqi, familjarë të tyre thanë se presidenti i Serbisë, Aleksandar Vuçiq, ka “prova dhe aftësi” për të zgjidhur rastin e tyre, porse “i mungon vullneti”. Tre vëllezërit Bytyqi, shtetas amerikanë, me prejardhje nga Kosova, janë arrestuar në vitin 1999 në Serbi, për shkak të, siç kanë thënë zyrtarët serbë, kalimit të paligjshëm të kufirit. Ata janë liruar nga burgu pasi janë dënuar dhe më pas janë vrarë. Trupat e tyre janë gjetur në një varr masiv... Читать дальше...
Shirin Nazirmadova, një mjeke nga Taxhikistani Jugor, ka kursyer për vite me radhë për të shkuar në Haxh, pelegrinazhin që të gjithë myslimanët e aftë duhet ta bëjnë një herë në jetë. Por, si miliona të tjerëve, rrugëtimi i ëndrrave të saj u prish, pasi Arabia Saudite vendosi muajin e kaluar që t’i ndalojë vizitorët ndërkombëtarë që të bëjnë Haxhin këtë vit, në përpjekje për të frenuar përhapjen e koronavirusit. Autoritetet saudite thanë se rreth 1,000 njerëz –vetëm banorë të Arabisë Saudite ... Читать дальше...
Një person u ndalua në Prizren, nën dyshimin se ka shkelur rregullat e vendosura nga autoritetet e Kosovës për luftimin e pandemisë së koronavirusit. Masat e reja për luftimin e COVID-19, sëmundjes që e shkakton koronavirusi, kanë hyrë në fuqi më 6 korrik. Në raportin 24-orësh të Policisë së Kosovës thuhet se, më 7 korrik, në orën 21:40, policia ka ndaluar një të dyshuar mashkull, i cili ka vepruar në kundërshtim me masat e ndërmarra nga Qeveria e Kosovës kundër COVID-19. “Në konsultim me prokurorin... Читать дальше...
Organizata Botërore e Shëndetësisë tha se ka prova të reja që sugjerojnë se koronavirusi mund të përhapet nga grimca të vogla të mbetura në ajër. Transmetimi përmes ajrit nuk mund të përjashtohet në ambiente të mbushura me njerëz, të mbyllura ose të ajrosura dobët, tha Benedetta Allegranzi, udhëheqëse teknike për parandalimin dhe kontrollin e sëmundjeve, pranë OBSH-së. Nëse provat konfirmohen, ato mund t’i ndikojnë udhëzimet për hapësirat e brendshme. Një letër e hapur e më shumë se 200 shkencëtarëve... Читать дальше...
I dërguari i posaçëm i Shtëpisë së Bardhë për dialogun Kosovë-Serbi, Richard Grenell, shprehu mbështetjen e plotë për udhëheqjen e liderëve evropianë në dialogun midis Prishtinës dhe Beogradit. “Jemi të lumtur që evropianët do të mblidhen në një takim më 10 korrik për diskutime të mëtejshme me Kosovën dhe Serbinë. Ne ofrojmë mbështetjen tonë totale dhe jemi mirënjohës për udhëheqjen e tyre”, shkroi Grenell në Twitter. Më 10 korrik, përfaqësues të Kosovës dhe Serbisë do të takohen virtualisht... Читать дальше...
Trembëdhjetë policë dhe shtatë civilë u plagosën gjatë trazirave të së martës mbrëma në Beograd, për shkak të paralajmërimeve për orë policore. Siç raporton Shërbimi i Ballkanit i Radios Evropa e Lirë, të gjithë të plagosurit u transportuan në Akademinë Mjekësore Ushtarake. Protestuesit, mbi 1,000 sish, u mblodhën në qendër të Beogradit, pasi presidenti i Serbisë, Aleksandar Vuçiq, paralajmëroi rikthimin e orës policore në fundjavë, për shkak të rritjes së numrit të rasteve me koronavirus. ... Читать дальше...
