په پېښور کې د کرکټ په لوبغالي کې د خیبر پښتونخوا د سېلاب ځپلو د مرستو لپاره د پېښور زلمي او پاکستان لېجېنډز لوبډلو ترمینځ سیالي شوې. د اګست پر ۳۰مه د سیالۍ لیدو ته ګڼ خلک ورغلي ول. په دواړو لوبډلو کې د پاکستان یوشمېر اوسني او پخواني نومیالي کرکټران شامل ول. دا په ۱۹ کلونو کې لومړی ځل وو چې د پېښور په لوبغالي کې د دومره لوړې سطحې سیالي وشوه. منتظمین وايي، له لوبې تر لاسه شوې پیسې په سېلاب ځپلو کې وېشي او زیاتوي چې هیله لري په هغه لوبغالي کې د کرکټ نړیوالې سیالۍ بحالې شي. ویډیويي رپورټ.
