د ۱۴۰۰ مالي کال د بودجې سند د درېیم ځل لپاره ولسي جرګې ته استول کېږي
د مالیې وزارت مرستیال عبدالحبیب ځدراڼ وايي چې د دغه وزارت تخنیکي ډلې ۱۷ ولایتونو ته سفرونه کړي او د دې ولایتونو له مدني ټولنو، د سیمې له خلکو، دیني علماوو، خصوصي سکټور او ولایتي چارواکو سرهیې په ملي بودجه کې د هغوی د اړتیاوو او لومړیتوبونو شاملولو په موخه سلا مشورې کړې دي.
دا په داسې حال کې ده چې له دې وړاندې د ولسي جرګې په بودجه کې د ناانډولۍ، په پروژو کې ولایتونو ته کم او د دولتي کارکوونکو د معاشونو ترمنځ توپير له امله د ۱۴۰۰ مالي کال بودجه دوه ځلې رد کړې ده.