د عراق په مرکز بغداد کې د ایراني پلوه شیعه اعتراض کوونکو او بلوا ضد پولیسو ترمنځ د اخ وډب پر مهال یو اعتراض کوونکی وژل شوی او په لسګونو کسان ټپیان شوي دي. دا اعتراض کوونکي د عراق د تېرې میاشتې د پارلماني انتخاباتو نتیجې نه مني. دوی له څه باندې درې اونیو راهیسې د عراق د پلازمېنې زرغونې سیمې ته څېرمه پرلت وهلی دی. پولیسو پر دې اعتراض کوونکو پرون اوښلن ګاز استعمال کړ او هوایي ډزې یې وروسته تر دې وکړې چې په لسګونو اعتراض کوونکو د پولیسو خوا ته کاڼي وار کړل او هڅه یې وکړه چې زرغون زون ته داخل شي. Читать дальше...
هندي رسنۍ خبر ورکوي چې د افغانستان په اړه د هند په کوربتوب په جوړېدونکې غونډه کې ایران، روسیې او د منځنۍ اسیا یو شمېر هېوادونو د برخې اخېستو ژمنه کړې ده. دا غونډه د چهارشنبې په ورځ په نوي ډیلي کې جوړیږي او هند د سیمې د هېوادونو د ملي امنیت سلاکارانو ته په دې غونډه کې د ګډون بلنه ورکړې ده. پاکستان ویلي دي چې خپل استازی دې غونډې ته نه استوي او تر اوسه چین هم په دې غونډه کې د ګډون پخلی نه دی کړی. د افغانستان لپاره د سیمې په کچه د ملي امنیت د سلاکارانو ورته دوې غونډې په ۲۰۱۸میلادي او ۲۰۱۹میلادي کلونو کې په ایران کې شوې وې. Читать дальше...
هندوستان ټایمز هندوستان ټایمز ورځپاڼې په خپله پرونۍ ګڼه کې د هغې سیمهییزې غونډې په اړه لیکنه خپره کړې چې ټاکل شوې د هندوستان په کوربهتوب راروانه چهارشنبه (د نومبر پر ۱۰مه) جوړه شي. د لیکنې په حواله، په دغه غونډه کې به د سیمې د هېوادونو عالي رتبه امنیتي مشران سره جرګه شي چې د طالبانو تر واکمنۍ وروسته په افغانستان کې پر وروستیو تحولاتو بحث وکړي. د هندوستان ټایمز په لیکنه، که څه هم په دې غونډه کې پاکستان ته د ګډون بلنه ورکړل شوې، خو د پاکستان د ملي امنیت سلاکار معید یوسف ویلي، دی په دې سرمشریزه کې برخه نهاخلي. Читать дальше...
د ترکیې امنیتي ځواکونو ۱۴۹ افغانان چې د ایران له سرحد څخه د دې هېواد قلمرو ته ننوتي وو، نیولي دي. په هغو ویډیویي تصاویرو کې چې رویټرز خبري اژانس پرون خپاره کړل، پولیس په داسې حال کې لیدل کېږي چې دا کډوال له یوه ټرکه راکښته کوي. رویټرز وايي، دا عملیات د پنجشنبې په ورځ په بیټلیس Bitlis ښار کې شوي دي. ترکیې له ایران سره په سرحد کې امنیتي تدابیر په دې خاطر پیاوړي کړي چې د اروپا خوا ته د غیرقانوني کډوالو د څپې مخه ونیسي. ترکي چارواکي وايي، د دې کډوالو د انتقال په تړاو یې یو قاچاقبر هم نیولی دی. Читать дальше...
د ایراني رسنیو د راپورونو له مخې په کابل کې د ایران سفیر د غزني د لرغونو اثارو په بیارغونه کې د خپل هېواد مرستې ته چمتووالی ښودلی. د ایران ایسنا خبري اژانس پرون د لړم په ۱۴مه نېټه راپور ورکړ چې د ایران سفیر بهادر امینیان د پنجشنبې په ورځ غزني ولایت ته تللی و او هلته یې له سیمه ییزو چارواکو سره د لیدنو پر مهال د دې همکارۍ ژمنه وکړه. په راپور کې نه دي ویل شوي چې ښاغلي امینیان د کومې کچې مشرانو سره لیدلي دي؟ د راپور له مخې د ایران سفیر همدا راز د غزني له موزیم او ځینو لرغونو اثارو څخه لیدنه وکړه. Читать дальше...
ټاکل شوې چې د افغانستان د کرکټ ملي لوبډله د شل اوورېز کرکټ د نړیوال جام په سیالیو کې سبا له نیوزیلنډ سره مخامخ شي. افغانستان په دوهم ګروپ کې د ۴ پواینټونو په لرلو سره په درېیم ځای کې دی، خو نیوزیلنډ شپږ پواینټونه لري او په دوهم ځای کې دی. د کرکټ بورډ ویاند فرید هوتک ازادي راډیو ته وویل چې له نیوزیلنډ سره لوبه خورا مهمه ده: "د افغانستان د کرکټ ملي لوبډله خپله پنځمه لوبه سبا د نیوزیلنډ پر وړاندې ترسره کوي. دا لوبه د دواړو لوبدلو لپاره خورا ګټوره او مهمه ده. ځکه چې که هره لوبډله دا لوبه په لوی... Читать дальше...
د افغانستان د فوټبال د غوره لیګ د سیالیو په لړۍ کې نن شنبې (د لړم ۱۵مه) دوه لوبې کېږي. لومړۍ لوبه به د غرمې په ۱۲:۳۰ د میوند اتلانو او د سیمرغ البرز او دوهمه د ماسپښين په ۲:۳۰ د توپان هریرود او عقابان هندوکش ترمنځ وي. د افغانستان د فوټبال د غوره لیګ سیالۍ پرون د لړم په ۱۴مه نېټه پیل شوې. د فوټبال د فدراسیون ویاند فیروز مشعوف د پرونیو لوبو د نتایجو په اړه پرون ماښام آزادي راډیو ته وویل: "دا سیالۍ پرون د شاهین اسمايي او اباسین څپې د لوبډلو په لوبه پرانیستل شوې چې د پلازمېنې لوبډلې ۳- صفر پر سیالې لوبډلې بریا ترلاسه کړه. Читать дальше...
د بښنې نړیوال سازمان د ایران پر حکومت غږ کړی چې هغه دوه ایرانیان چې بهرني تابعیتونه لري او له نژدې یو کال راهیسې د تهران په ایوین زندان کې د بند موده تېروي خوشې کړي. ناهید تقوي د جرمني او مهران روف د بریتانیا تابعیتونه لري چې دواړه د ۲۰۲۰ میلادي کال له اکتوبر میاشتې راهیسې په بند کې دي. د بښنې نړیوال سازمان وايي چې دوی د خپلو انساني حقونو د کارولو په خاطر بندیان شوي دي. د ایران یوې انقلابي محکمې په تېر اګسټ میاشت کې دا کسان د ملي امنیت د ګواښلو په تور په لس کال او اته میاشتو بند محکوم کړل. Читать дальше...
جرمني رسنیو راپور ورکړی چې د یوه روسي ډپلومات مړی په برلین کې د روسیې د سفارت مخې ته موندل شوی دی. د جرمني شپېګل مجلې راپور ورکړی چې ګومان کېږي دا ډپلومات به د روسیې د استخباراتو د ادارې اېف اېس بي مامور وي. د راپور له مخې د جرمني پولیسو د دې ډپلومات مړی اتلس ورځې مخکې یعنې د اکتوبر د ۱۹مې نېټې په سهار د روسیې د سفارت د مخې پر پلې لار موندلی. د جرمني د بهرنیو چارو وزارت ویلي چې د دې ډپلومات له مړینې څخه خبر و، خو له دې چې دا یوه خصوصي موضوع و، جزییات یې ورنه کړل. د روسیې سفارت په دې اړه یوازې همدومره ویلي چې دا یوه غمیزه ده. Читать дальше...
نامعلومو وسله والو په شمالي وزیرستان کې د مخابراتو یو برج په بمونو والوزاوه. پولیسو پرون جمعه د ازادي راډیو مشال څانګې ته وویل چې دا برج سمدستي وروسته له هغه ویجاړ شو چې د سیمې اوسېدونکو ته یې د انټرنیټي خدماتو په رسولو پیل وکړ. دا مخابراتي برج په یوه چینايي مخابراتي شرکت پورې اړوند و. د دې برید مسوولیت هېڅ کومې ډلې نه دی منلی، خو شمالي وزیرستان هغه سیمه ده چې د پاکستاني طالبانو د تحریک ټي ټي پي وسله وال په کې فعال دي.
سربیا اروپا ته له غیرقانوني لارو له افغانستان او نورو هېوادو څخه د روانو کډوالو وروستی منزل دی، خو په دې هېواد کې د کډوالو هدیرې د وخت په تېرېدو سره پراخېږي. تسیا مصطفی پور ایرانی کډوال دی چې د یوه هوسا ژوند په هیله د لویدیځې اروپا شتمنو هېوادونو ته روان دی، خو هغه وېرېږي چې د سربیا په هدیرو کې د ښخو شوېو نوم ورکو کډوالو له برخلیک سره مخامخ نه شي. تسیا وايي: "دا قبرونه نه پېژنم خو پوهېږم چې کډوال دي. زموږ له خپلو هېوادونو کډوال شوي دي. راوخوځېدل او په لاره کې مړه شول. زموږ لپاره هم ډېره سخته ده. Читать дальше...
د قطر مرستیال صدراعظم او بهرنیو چارو وزیر ټینګار کړی چې د افغانستان د سقوط مخه باید ونیول شي. شیخ محمد بن عبدالرحمن الثاني پرون د لړم په ۱۴مه نېټه د سلووینیا پلازمېنه لیوبلیانا کې له خپل سیال انزې لوګر Anze Logar سره په ګډ خبري کنفرانس کې په دې برخه کې چې د افغانستان د سقوط د مخنیوي لپاره باید څه وشي؟ د نړیوالې اجماع غوښتنه وکړه. نوموړي په عین حال کې د طالبانو پر حکومت غږ وکړ چې د ټولنې ټولو برخو ته له تبعیض پرته فرصت ورکړي او د ټولو وګړو په تېره د ښځو او نجونو د حقونو د خوندیتوب ډاډ ورکړي. ... Читать дальше...
