د پنجشیر په ایمرجنسي روغتون کې ۱۲ نوي زېږېدلي ماشومان مړه شوي
د دې رووغتون رئیس ډاکتر محمد اکبر جان ازادي راډیو ته ویلي، دا ماشومان چې له شپږو تر پنځلس ورځو عمرونه یې لرل او د نسايي ولادي برخې په عاجله خونه کې ساتل کېدل، د یکشنبې د ورځې په جریان کې مړه شوي دي.
د ډاکتر اکبر جان په وینا، د دې نويو زېږېدلو ماشومانو شپږ تنه د پروان ولایت، درې تنه د کاپیسا او درې نور د پنجشېر ولایت وو.
د نوموړي په وینا، تر اوسه پورې د دې ماشومانو د مړینې علت څرګند نه دی او د بېلابېلو ادارو یو شریک هیئت د پېښې په اړه څېړنې پیل کړې دي.