На 18 месеци условна казна со ограничување на слободата на движење е осудена Љубов Собол, соработничката на рускиот опозиционер Алексеј Навални. Денеска Судот во Москва ја прогласи за виновна за јавно повикување на кршење на санитарните и епидемиолошките безбедносни мерки. Портпаролката на Навални во јануари повикуваше луѓе да учествуваат на собирите за поддршка на Навални.
Според пресудата, на Собол и е забрането да го напушта својот дом помеѓу 22,00 часот навечер и 6.00 часот наутро и не смее да присуство на јавни настани или да ја напушта Москва. Исто така, Собол треба три пати месечно да се јавува кај службеник за условно ослободување.
Одбраната на Собол ја критикуваше пресудата и најавија жалба. Собол беше отстранета од судницата додека и се изрекуваше пресудата, оти таа го пренесуваше процесот во живо преку својот мобилен телефон.
Приведена и портпаролката на Навални
Случајот против Собол беше покренат откако таа и неколку други соработници и поддржувачи на Навални беа приведени во пресрет на масовни собири против последното апсење на Навални, кон крајот на јануари, за кои протести немаше одобрени.
