Евробиримдик жана Британиянын ортосунда Брекзиттен кийинки соода алака боюнча келишимге кол коюу башталды. Биримдиктин атынан Еврокеңештин төрагасы Шарль Мишель жана Еврокомиссиянын төрайымы Урсула фон дер Ляйен келишимге кол коюшту. Бүгүн түштөн кийин британ аба күчтөрүнүн учагы менен документ Лондонго жеткирилип, премьер-министр Борис Жонсон кол коёру күтүлүүдө. Расмий Брюссел менен Лондон бир нече айга созулган сүйлөшүүдөн соң 25-декабрга мунасага келген. Жаңы соода келишимине ылайык, тарифтер да, квоталар да нөлгө түшүрүлдү. Читать дальше...
2020-жылы коронавирус пандемиясынын кесепети менен күрөшүүгө жана бюджетти колдоо максатында Кыргызстанга эл аралык донорлордон 774 млн 432,795 доллар берилери айтылган. Мунун ичинен 177 млн 049 миң доллар грант, калганы насыя. Өкмөттүк аппараттын маалыматына караганда, жалпы жардамдын ичинен жыл аягына чейин 346 млн. 826,269 доллары алынган. Калганы күтүлүп жатат. Эл аралык валюта фондунан эки транш менен 241 млн. 947 937 доллар келип түшкөн. “Азия өнүктүрүү” банкынан жалпы 151 млн. 060 миң доллар күтүлүп жаткан болсо... Читать дальше...
Октябрь окуяларынан кийин келген бийлик уюшма кылмыштуу топторду ооздуктоого убада берген. Бирок кыска убакыт аралыгында эле анын натыйжалуулугунан күмөн санаткан бир катар окуялар да болуп өттү. «Коля кыргыз» торго түштү Кримчөйрөдө «Коля кыргыз» деген каймана ат менен таанымал Камчыбек Көлбаев 22-октябрда камакка алынды. Улуттук коопсуздук боюнча мамлекеттик комитет (УКМК) «Мыйзамдагы ууру» атыккан кримтөбөл «уюшкан кылмыштуу топторду аныктоо жана аларга бөгөт коюу» ишинин негизинде камалганын билдирди. Читать дальше...
Абсолюттук мушкерлер чемпионаты (UFC) өзүнүн YouTube каналына узап бараткан жылдагы мыкты делген беттештердин видеосун жарыялады.
Британиянын бийлиги коронавируска каршы «AstraZeneca» компаниясы Оксфорд университети менен чогуу өндүргөн вакцинаны жалпы колдонууга уруксат берди. Бул СOVID-19 вирусуна каршы каттоодон өткөн экинчи препарат болуп калды. Буга чейин бул өлкө «Pfizer/BioNTech» вакцинасын каттоого алып, эмдөөнү баштаган. Британ саламаттык сактоо министри Мэтт Хэнкок жаңы вакцинанын жардамы менен өлкөдө пандемияны жазга карай жеңүү мүмкүнчүлүгү жаралганын билдирди. Жакынкы айларда өлкөдө эмделген адамдардын саны миллионго жетиши мүмкүн. Читать дальше...
"Бир адамдан бир китеп” долбоорунун алкагында мугалим, алып баруучу, диктор, акын Максат Жангазиевдин “Декабрдын кечи” аталышындагы поэзия кечеси “Алтын Бак” ресторанында өттү. Кечеде акындын ата-энеге, өмүргө, сүйүүгө арналган ырлары, азыркы замандын оош-кыйышын чагылдырган азил-тамашалары окулуп, обондуу ырлары ырдалды. Анын алгачкы ырлар жыйнагы 2014-жылы "Жүрөк үнү" аттуу аталыш менен чыккан. Ал Чыңгыз Айтматов атындагы Кыргыз мамлекеттик жаштар сыйлыгынын ээси.
Президенттикке талапкер Рашид Тагаев жарыштан чыкканын жарыялады. 30-декабрда ал социалдык түйүндөр аркылуу шайлоочуларына кайрылуу жолдоп, «талапкерликти мындан аркы күрөшүүгө мүмкүнчүлүк бербеген жеке ишенимдерге байланыштуу токтотууга мажбур болгонун» билдирди. Тагаев өз кайрылуусунда жалпы абал турукташканда баштаган ишин улантарына үмүттөнөрүн белгиледи. 62 жаштагы коомдук жана саясий ишмер Тагаев көп жылдар бою милиция системасында иштеген, 2005-2010-жылдары Жогорку Кеңештин эки чакырылышында депутат болгон. Читать дальше...
"Азаттык" 2020-жылдагы Кыргызстанда болгон орчундуу окуялардын сүрөттөрүн топтоду. Ээн калган Бишкек, кыргызстандыктардын карантиндеги жашоосу, пандемия учурундагы оор күндөр жана айрымдар "Үмүт ыңкылабы" деп атаган элдик толкундоолор... 2020-жыл Кыргызстан үчүн окуяга бай жана оор жылдардан болду. Мунун баарын "Азаттык " топтогон сүрөттөр эске салат. Коронавируска байланыштуу Кыргызстанда 2020-жылдын мартынан бери мектептер сабакты түрдүү интернет-платформалар аркылуу өткөрүп жатышат. Читать дальше...
Коомдук телеканалдын Байкоочу кеңеши бүгүн, 30-декабрда отурумга чогулуп, телеканалдын жетекчисин шайлоо маселесин кароодо. Ушул тапта КТРКнын башкы директорлугуна талапкерлер өздөрүнүн программасы менен тааныштырууда. Байкоочу кеңештин мүчөсү, журналист Сыягүл Караман «Азаттыкка» маалымдагандай, талапкерлерге добуш берүү бүгүн башталат. Ал бир нече айлампага созулушу күтүлүүдө. Октябрь окуяларынан кийин КТРКнын башкы директору Жайнак Үсөн уулу кызматтан өз эрки менен кеткенин билдирип, арыз жазган. Читать дальше...
Борбордук шайлоо комиссиясы (БШК) Коомдук телерадиокорпорацияга (КТРК) 10-январда боло турган референдумга коюлуп жаткан маселелер боюнча пикирин айткандарга эфирди бирдей убакытта жана бирдей шартта берүүнү сунуш кылды. Боршайкомдун басма сөз кызматы бул тууралуу 30-декабрда билдирди. Мекеменин маалыматына караганда, 29-декабрда өткөн жыйында “Парламенттик республика үчүн” үгүт тобунун жетекчиси, Жогорку Кеңештин депутаты Дастан Бекешевдин кайрылуусу каралды. Бекешев Боршайкомго кат менен кайрылып... Читать дальше...
2020-жылы коронавирус пандемиясынан улам Кыргызстанда төрт миңден ашуун спорттук иш-чаралар өтпөй калган. Бул тууралуу Жаштар, дене тарбия жана спорт агенттигинин жетекчиси Канат Шабданбаев спортчуларды сыйлоо аземинде билдирди. Анын ичинде республикалык, эл аралык чемпионаттар жана мелдештер бар. Шабданбаев 2021-жыл кыргызстандык спортчулар үчүн ийгиликтүү жыл болушун каалап, спортчулар жетишкен ийгиликтердин артында тоодой эмгеги турган машыктыруучуларды белгиледи: «Машыктыруучулардын тынымсыз... Читать дальше...
Бишкек шаарынын мурдагы вице-мэри Мирлан Амантуров коррупцияга шектелип, Улуттук коопсуздук боюнча мамлекеттик комитеттин (УКМК) тергөө абагынын убактылуу кармоочу жайына камалды. Атайын кызматтын 30-декабрдагы маалыматына караганда, ал мэрия менен «Бишкекасфальтсервис» муниципалдык ишканасынын ортосундагы коррупциялык схемага тиешеси бар деп шектелүүдө. УКМКнын Коррупцияга каршы кызматы ал өзүнө караштуу ишкана аркылуу шаардын жолдорун оңдоо жана куруу иштери боюнча мамлекеттик сатып алууларда жемкорлукка барган деп эсептейт. Читать дальше...
Алардын бири вирусту Таластагы ооруканалардын бириндеги "кызыл аймактан" жуктурган. Республикалык ыкчам штабдын маалыматына караганда, 30-декабрга карата стационарда дарыланып жаткан үч, үй карантининен алты медицина кызматкери чыгарылып, ишине кайтты. Жалпысынан республика боюнча COVID-19 диагнозу менен 4112 медициналык кызматкер катталган, алардын ичинен 3910 медкызматкер сакайды. Саламаттык сактоо министрлигинин маалыматы боюнча, 10-декабрга чейин коронавирус жуккан медицина кызматкерлеринин 608ине 200 миң сомдон кенемте төлөнүп берилди.
Дүйнөнү каптаган оору, карантиндеги жашоо жана Беларустагы миңдеген киши катышкан нааразылык чаралары... Мунун баары “Эркин Европа/Азаттык Үналгысынын" сүрөтчүлөрүнүн кадрларында сакталган окуялар. Эмесе, 2020-жылдагы мыкты сүрөттөр менен таанышыңыздар.
Коронавируска каршы ыкчам штабдын маалыматына караганда, 30-декабрга карата Кыргызстанда коронавируска кабылган 189 адам жаңыдан катталды. Алардын басымдуу бөлүгү Бишкек шаарында (68) жана Чүй облусунда (63). Ысык-Көл облусунда 24 адам, Ош облусунда 13, Жалал-Абад облусунда 10, Баткенде 8, Нарын менен Таласта үчтөн адам ооруга кабылганы лабораториялык иликтөөлөрдө тастыкталды. Ушуну менен марттан бери ооруга чалдыккандардын жалпы саны 80 843 адамга жетти. Акыркы суткада оорудан 290 адам сакайып чыкты. Читать дальше...
Коомдук телерадиоберүү корпорациясындагы (КТРК) теледебаттардын биринчи турунун экинчи күнүндө төрт талапкер таймашты. Алар - Мыктыбек Арстанбек, Арстанбек Абдылдаев, Имамидин Ташов жана Элдар Абакиров. Президенттик кызматты талашып жаткан башка саясатчылар Садыр Жапаров менен Рашид Тагаев келген жок. Ошентсе да алардын дарегине сөздөр айтылды. Бирок жалпы жонунан байкоочулар бул беттеш суз өткөнүн белгилешти. Атаандаштары аз беттеш Борбордук шайлоо комиссиясы бекиткен тартипке ылайык,... Читать дальше...
Мамлекеттик мекемелер кышкысын энергетикалык кырдаал оор болорун улам эскертип жатышат. Буга Токтогул суу сактагычында суунун аздыгы себеп болууда.
Орусиялык оппозициячыл саясатчы Алексей Навальныйга кылмыш иши козголду. Ал өзү бул кадамды расмий Кремлдин айласы куругандагы жоругу катары баалады.
Тизмеге биринчилерден болуп кыргызстандык Валентина Шевченко кирген. Промоушен төрт мушкерди сунуштаган.
Жалал-Абад облустук прокуратурасы Ала-Бука районуна караштуу Кɵк-Таш айыл ɵкмɵтүндɵ бир катар мыйзам бузууларды аныктады. Башкы көзөмөл органынын расмий сайтындагы маалыматка караганда, айыл ɵкмɵттүн кызмат адамдары айрым жеке ишкерлер менен сүйлɵшүп алып, кɵпүрɵ, жол жана башка объектилерди курууда атайылап ашыкча суммаларды кɵрсɵтүшкɵн. Натыйжада мамлекетке 17 млн. 279 миң 755 сом зыян келтирилген. Бул факт боюнча Жазык кодексинин «Кызмат абалынан кыянаттык менен пайдалануу» беренеси менен кылмыш иши козголуп... Читать дальше...
Борбордук шайлоо комиссиясы (БШК) башкаруунун формасын аныктоо үчүн референдум өткөрүү боюнча үгүт иштерине катышууга 50 жалпыга маалымдоо каражатын каттады. Анын ичинен 37и радио-телевидение, калган 13ү интернет басылмалар. Боршайкомдун басма сөз катчысы Руслан Изреков БШК 29-декабрдагы отурумунда бир сайтты каттоодон баш тартканын билдирди. «Борбордук шайлоо комиссиясы «NazarNews.kg» басылмасы Интернет платформасында жоктугуна байланыштуу аны каттаган жок», - деди Изреков. Кыргызстанда мөөнөтүнөн... Читать дальше...
Шанхай полициясы 39 жаштагы миллиардер Линь Цинин өлүмү боюнча тергөө иштерин баштады. Баштапкы версия боюнча 25-декабрда каза болгон ишкер ууландырылган. Ци — видео оюндарды иштеп чыгуу менен алектенген "Yoozoo" компаниясына ээлик кылат. Компания популярдуу «Тактылар оюну» сериалынын негизинде иштелип чыккан «Тактылар оюну: кышка аз калды» деген видео оюну менен белгилүү. "Hurun Report" уюмунун рейтингине ылайык, Цинин байлыгы 1,3 миллиард долларга жетет. Ал 16-декабрда уулануунун белгилери менен Шанхай ооруканасына жаткан. Читать дальше...
Жазык кодексинин «Мыйзамсыз баюу» беренесине шек саналып кармалган Жогорку соттун судьясы Камил Осмоналиевге кылмыш иши жай мезгилинде эле козголгон. Бул тууралуу Жогорку соттун төрайымы Гүлбара Калиева 29-декабрда «Азаттыктын» эфиринде сүйлөп жатып айтты. «Анын иши УКМКнын азыркы жетекчисинин учурунда эмес, Кылмыштар менен жоруктардын бирдиктүү реестрине жайында катталган. Бул ишти азыр гана билинди деп айта албайсың», - деди Калиева. Улуттук коопсуздук боюнча мамлекеттик комитет (УКМК) шектүү судьяны 14-декабрда кармаган. Читать дальше...
Хорватияда шейшембиде экинчи күн катары менен жер катуу силкинип, бир катар калктуу конуштарда, анын ичинде өлкөнүн баш калаасы Загреб шаарында имараттар зыянга учурады. Европадагы жер ортолук деңиз сейсмикалык борбору 6,3 баллдык жер титирөө Загребден түштүк-чыгышты көздөй 46 чакырым алыстыкта катталганын билдирди. Ошол эле маалда Немис изилдөө борбору 6,4 баллдык жер силкинүү 10 чакырымдык тереңдикте болгонун билдирди. N1 телеканалы Загребдин акимчилигинин өкүлүнө шилтеме кылып, кырсыктан 12 жаштагы кыз көз жумганын кабарлады. Читать дальше...
