«Ак-Тилек - Автожол» көзөмөл өткөрмө бекетинде Казакстанга өтүү үчүн кезекте турган оор жүк ташуучу автоунаалардын саны азая элек. Айдоочулардын алды бир аптадан бери күнү-түнү автоунаасында жашап жатат. Алар кезектешип тамак даярдап, күн өткөрүшүүдө. «Азаттык» алардын жашоосун көрүп келди.
Украин өкмөтү өлкөдөн Орусияга түз учкан авиакаттамдарды токтотту. Бул чечим Украинада президенттикке талапкер болгон Юрий Бойко менен Орусиянын премьер-министри Дмитрий Медведевдин Москва облусундагы жолугушуусунда кабыл алынды. Марттагы шайлоонун алдында Бойко жана украиналык ишкер Виктор Медведчук Орусияга барып, премьер-министр Медведев менен орус-украин алакасын талкуулашкан. Украинада алар «аба мейкиндигиндеги чек арадан мыйзамсыз өтүштү» деп айыпталган. 2015-жылы Киев орус учактарына өз аба мейкиндигин жапкан. Читать дальше...
Апрель ыңкылабына быйыл тогуз жыл болот. 2010-жылдын 7-апрелинде эл мурдагы президент Курманбек Бакиевдин үй-бүлөлүк башкаруу режимин кулаткан. Андан бери Кыргызстандын өнүгүү жолунда кандай жылыштар байкалды, эмне кемчиликтер орун алды?
3-апрелде НАТОнун баш катчысы Йенс Столтенберг АКШ Конгрессинин жалпы жыйынында сөз сүйлөдү. Түндүк Атлантикалык Альянстын баш катчысы америкалык мыйзам чыгаруучулардын алдына биринчи жолу келди. Столтенберг НАТО Орусияны обочолонтуунун эмес, тескерисинче, Москва менен алаканы оңдоонун жолун издей тургандыгын баса белгиледи. «Биздин Орусияны өзүнчө обочо кармайлы деген оюбуз жок. Орусия менен майнаптуу кызматташууну көздөйбүз» - деп айтты ал. Вашингтондо НАТОнун курамындагы 29 мамлекеттин жана... Читать дальше...
Экс-президент Алмазбек Атамбаев Жогорку Кеңештин депутаты, экс-спикер Асылбек Жээнбековдун КСДПдан чыкканы тууралуу билдирүүсүнө элдин алдында жооп берди. Атамбаев Асылбек Жээнбековдун партиядан чыкканы өзү үчүн утуш болгонун билдирди: - КСДП Жээнбековдордон тазаланды. Экөө тең чыгып кетти. Атамбаев азыркы бийликти «кландык башкарууга өттү» деп айыптап, өз тарапташтарынын коррупция үчүн айыпталып, камакка алынышын азыркы бийликтин андан өч алуусу катары баалады. «Башкы тапшырма – «Атамбаевсиз КСДП» эмес... Читать дальше...
Кыргызстан кыргыз-казак чек арасындагы чектөөлөргө байланыштуу Евразия экономикалык комиссиясындагы министрлерин чакыртып алышы мүмкүн. Экономика министрлиги өкмөткө ушундай сунуш менен кайрылды.
«Атамбаевсиз КСДП» кыймылы Бишкекте жыйын өткөрүп, Кыргызстан социал-демократиялык партиясынын (КСДП) лидери катары Сагынбек Абдрахмановду тааныды.
Орусияда Санкт-Петербург шаарынын метросунда жардыруу уюштурган деп шектелгендердин соту башталды. Арасында кыргызстандык ага-ини Азимовдор бар. Алматынын райсотунда прокурор Жогорку Кеңештин мурдагы депутаты Дамирбек Асылбек уулун 12 жылга эркинен ажыратууну суранды. Венесуэлада Конституциялык Ассамблея оппозиция лидери Хуан Гуайдону кол тийбестиктен ажыратканын жарыялады.
Кыргыздын чыгаан жазуучусу менен «Азаттыктын» кыргыз кызматынын негиздөөчүсүнүн тагдырларын баяндаган «Азамат Алтай жана Чыңгыз Айтматов: Темир тордун эки тарабындагы тагдырлар» китебинин бет ачары өттү. Китептин автору, америкалык Жеффри Лилли эмгегин алгач англис тилинде жазып чыгарган.
Парламент 13-14-март күндөрү кыргыз-тажик чек арасында болуп өткөн чырдан улам пайда болгон кырдаалды бүгүн жабык карап, өкмөттүн маалыматын укту. Отурумга өкмөт башчы Мухамметкалый Абылгазиев баштаган бир катар чек арага тиешеси бар жетекчилер, жергиликтүү бийлик өкүлдөрү катышты. Жыйында депутаттар Карамат Орозова менен Таабалды Тиллаев чек арадагы элдин маселелерин чечүүнү талап кылышкан. Алар чек арадагы айылдарга 1-категориядагы чек ара макамын берүү, коңшу өлкөлөрго кирип-чыгуучу бекеттерди оӊдоп-түзөө... Читать дальше...
Свердлов райондук сотунда Бишкек Жылуулук электр борбору (ЖЭБ) боюнча козголгон негизги кылмыш ишине байланыштуу сот жараяны өттү.
Кыргызстандын оюнчулары буга чейин Кувейттин командасын 14:0 эсеби менен жеңип алса, таиланддык оюнчуларды 6:2 эсеби менен уткан.
БАЭнин премьер-министри Мохаммед ибн Рашид Аль Мактум ооруканага барып футболчунун абалы менен таанышты.
«Атамбаевсиз КСДП» кыймылы Бишкекте жыйын өткөрүп, лидери Сагынбек Абдрахмановду партиянын жетекчиси болсун деп чечим чыгарышты. Абдрахмановдун талапкерлигин иш-чарага катышкандар бир добуштан колдошту. Партиянын экинчи бөлүгү лидер деп Кыргызстандын мурдагы президенти Алмазбек Атамбаевди тааныйт. Алар 6-апрелде өз курултайын өткөргөнү жатышат.
Ирандын Метеорологиялык агенттигинин маалыматына ылайык, жума күнү өлкөгө жаан-чачындын дагы күч алуусу күтүлөт.
Бүгүн кыргыздын чыгаан жазуучусу менен «Азаттыктын» кыргыз кызматынын негиздөөчүсүнүн тагдырларын баяндаган «Азамат Алтай жана Чыңгыз Айтматов: Темир тордун эки тарабындагы тагдырлар» китебинин бет ачары болуп өттү. Китептин автору, америкалык Жеффри Лилли эмгегин алгач англис тилинде жазып чыгарган. Иш-чарага Чыңгыз Айтматов менен Азамат Алтайдын өмүр жолунда кездешкен коомдук ишмерлер жана журналисттер катышты. Америкалык изилдөөчү Жеффри Лиллинин «Тоолор кулап калдыбы? «Кансыз согуш» маалындагы... Читать дальше...
Кыргызстан социал-демократиялык партиясынын (КСДП) расмий өкүлү Кундуз Жолдубаева 3-апрелде Бишкекте «Атамбаевсиз КСДП» кыймылы өткөргөн иш-чараны фейк-съезд деп атады: - Аябай одоно мыйзам бузуу менен болгон иш-чара. Аны биз фейк-съезд деп атайбыз. Азыр КСДП партиясын рейдерлик жол менен басып алуу аракеттери жүрүп жатат. «Атамбаевсиз КСДП» кыймылы Бишкекте жыйын өткөрүп, лидери Сагынбек Абдрахмановду партиянын жетекчиси болсун деп чечим чыгарды. Абдрахмановдун талапкерлигин иш-чарага катышкандар бир добуштан колдошту. Читать дальше...
Венесуэлада бийлик менен оппозициянын күрөшү кезектеги баскычка чыкты.
Учурда кыргыз өкмөтү жана тышкы иштер министри казак тарап менен сүйлөшүп жатат. Бул тууралуу «Азаттыкка» Экономика министрлигинин соода саясатын жүргүзүү башкармалыгынын жетекчиси Аскат Беков кабарлады. Министрликтин өкүлү чек арада турган автоунаалардагы товарлардын көбү текстил, бут кийим сыяктуу жалпы керектелүүчү товарлар экенин, ал жакта Түркиянын, Кытайдын жана Кыргызстандын да товарлары бар экенин айтты: - Ал жерде турган автоунаалардын 90 пайызынан ашыгы транзиттик жүк ташуучу автоунаалар экен. Читать дальше...
«Канжар Кадыралиев менен бирге каракчылык кылган» деп шек саналган Өзгөн районунун тургуну Равшан Мамытовдун үйүнөн Калашников автоматы табылды. Бул тууралуу Ош облустук милициясынын басма сөз катчысы Жеңиш Аширбаев кабарлады. Учурда тергөө жүрүп жатат. Мамытов «2014-жылы Кадыралиев менен кошо ишкер Сактан Келдибаевдин үйүнө каракчылык кылды» деп аты аталгандардын катарында болгон. Учурда экөөнүн байланыштары боюнча далилдер кайрадан изилденип жатат. 2014-жылы Башкы прокуратура Жогорку Кеңештин... Читать дальше...
Сауд бийлиги 2018-жылы октябрда Сауд Арвиянын Стамбулдагы консулдугунда өлтүрүлгөн журналист Жамал Хашоггинин балдарына миллиондогон доллар компенсация төлөп бермей болду.
Жогорку Кеңештин депутаты, мурдагы спикер Асылбек Жээнбеков Кыргызстан социал-демократиялык партиясынан (КСДП) чыкканын жарыялады.
«Кырк уруу кыргыз – жети дубан ынтымагы» кыймылы камалган активистин бошотууну талап кылып жатат. Кыймылдын мүчөсү Амангелди Артыковду 3-апрелге караган түнү Бишкек милициясынын кызматкерлери кармап кетишкенин «Азаттык» радиосуна активист Кадырбек Үсөнбаев билдирди: - «Бригада наружного наблюдения» деп коет экен. Ошолор аңдып, сөзүбүздү тыңшап, бизди эптеп камоого аракет кылып жатышкан. Анысы ишке ашпай, илгерки НКВДдай болуп түндө барып Амангелди Артыковду камап алып кетишти. Үсөнбаев милиция Артыковду «баңгизат үчүн» деп кармап кеткенин... Читать дальше...
Жаңы Зеландиянын парламенти курал сатып алуу боюнча мыйзамын катаалдантты.
«Азаттык» радиосунун түркмөн кызматынын жергиликтүү кабарчысы Аманмурад Бугаев 68 жашында жол кырсыгынан каза тапты. 3-апрелде журналист Балкан облусунан такси менен келатканда кырсыкка кабылган. Бугаев журналисттик иликтөө жүргүзүп, аймактагы суу каптоону чагылдырып келаткан. Ал журналисттик ишинен сырткары Түркмөнстанда жазуучу жана акын катары таанымал. Эгемендиктин алгачкы жылдарында өлкөнүн Адабий фондун жетектеп, Жазуучулар биримдигинин катчысы болгон. Ага чейин телеканалда редактор болуп, гезит-журналдарда эмгектенген. Читать дальше...
