ნაზი ჯანეზაშვილი ლაპარაკობს მიზეზებზე, რომლებმაც წარმატება მოუტანა "მოსამართლეთა კლანს": "ისინი სჭირდება ყველა ხელისუფლებას. ეს იცის სასამართლომ და ამით ვაჭრობენ. დიდ ფილოსოფიაზე არ დგას მათი ერთობა", რასაც საზოგადოების მხრიდან სასამართლოს დამოუკიდებლობის იდეის გარშემო ერთობა უნდა დაუპირისპირდეს.
"საერთაშორისო გამჭვირვალობა - საქართველოს" პროგრამის მენეჯერი, გია გვილავა თვლის, რომ პოლიტიკოსები აგვიანებენ სასამართლოს რეფორმაზე მუშაობისს დაწყებას: "გავიგე, რომ არჩევნები მნიშვნელოვანი თემაა, მაგრამ სასამართლოს საკითხი ახლა დგას და თუ ამ მომენტს გავუშვებთ, მაშინ ძალიან დიდი ხნით გადაიწევს".
პარლამენტის დეპუტატი, "ლელო საქართველოსთვის" პოლიტსაბჭოს წევრი, ანა ნაცვლიშვილი იუსტიციის უმაღლესი საბჭოს წევრების შესარჩევად მოსამართლეთა კონფერენციის დანიშვნას ეხმაურება. მისი თქმით, "მოსამართლეთა კლანი" ცდილობს დაიცვას "თავის მიერ მონიშნული ტერიტორია" და ეს "ცუდი და უსინდისო მცდელობაა საბჭოსი".
