Новости за 28.07.2019

მალხაზ მაჩალიკაშვილი ისევ იმუქრება: „თუ არ გამოუშვეს მორის მაჩალიკაშვილი, შემდგომში მე მართლა ჩემს გეგმებს ავამოქმედებ” თბილისის პოლიციის მთავარ სამმართველოსთან მალხაზ მაჩალიკაშვილი მივიდა, რომელიც მისი ძმისშვილის, მორის მაჩალიკაშვილის დაკავებას და მისთვის ბრალის წარდგენას აპროტესტებს. „მორის მაჩალიკაშვილი ჩემს გვერდით ერთი წლის განმავლობაში იდგა და ითხოვდა, რომ ამ მხეცებს ეღიარებინათ დანაშაული. ზუსტად ის ბავშვი დააკავეს დღეს. თემირლანის დები […]

ევროკავშირს რამდენიმე მითი უკავშირდება. სკეპტიკოსთა აზრით, ევროპული ფასეულობები წინააღმდეგობაში მოდის და საფრთხეს უქმნის ტრადიციულ ღირებულებებსა და ეროვნულ იდენტობას. რამდენად რეალურია ასეთი საფრთხე? ჩვენს შეკითხვებს უპასუხებს ბულგარელი პოლიტოლოგი ვესელა ჩერნევა.

თავის დროზე მოსკოვის გავლენის ქვეშ მყოფი "ვარშავის ხელშეკრულების ორგანიზაციის" წევრი ბულგარეთი კომუნისტური ბლოკის დაშლის 30-ე წლისთავზე სხვა სტრატეგიულ პარტნიორებთან ერთად განაგრძობს ცხოვრებას. ბულგარეთმა 15 წლის წინ ისე მოახერხა ალიანსში გაწევრიანება, რომ არა მხოლოდ თავიდან აიცილა ეთნიკური დაპირისპირების ბალკანური სპირალი, არამედ შეინარჩუნა ტრადიციულად მეგობრული ურთიერთობა ნატოს გაფართოების მიმართ ანტაგონისტურად განწყობილ რუსეთთან. კიდევ ერთი გაკვეთილი, რაც შესაძლოა ბულგარეთისაგან ისწავლონ სხვა გარდამავალი დემოკრატიის ქვეყნებმა... Читать дальше...

უფლებადამცველი ორგანიზაციები, აშშ და ევროკავშირი გმობენ, მათი შეფასებით, არაპროპორციული ძალის გამოყენებას მოსკოვში 27 ივლისს გამართული მიტინგის მონაწილეთა მიმართ. აქციაზე აპროტესტებდნენ საარჩევნო კომისიის უარს სექტემბრის მუნიციპალური არჩევნებისათვის დამოუკიდებელი კანდიდატების რეგისტრაციაზე. ორგანიზაცია OVD-info-ს მონაცემებით, დაკავებულ იქნა 1373 ადამიანი. პოლიციელები ხელკეტებს ურტყამდნენ დემონსტრანტებს. ძალადობა გაგრძელდა მას შემდეგაც, რაც მომიტინგეებმა სხვა ადგილებს მიაშურეს. ლოზუნგებს შორის იყო „რუსეთი პუტინის გარეშე“. Читать дальше...

ირანის ატომური ენერგეტიკის ორგანიზაციის უფროსი, ალი აკბარ სალეჰი აცხადებს, რომ თეირანი აპირებს მუშაობის განახლებას არაკის მძიმე წყლის ბირთვულ რეაქტორზე. ამ ნაბიჯით თეირანი დაარღვევს ბირთვული პროგრამის შესახებ 2015 წელს ხელმოწერილ შეთანხმებას. სალეჰის განცხადებას, რომელიც მან 28 ივლისს თეირანში, პარლამენტის წევრებთან შეხვედრისას გააკეთა, ავრცელებს საინფორმაციო სააგენტო „ისნა“. მძიმე წყალი შესაძლოა, გამოყენებულ იქნეს პლუტონიუმის - ბირთვული იარაღის საწვავის - საწარმობლად. ირანის სახელმწიფო ტელევიზიის ცნობით... Читать дальше...

ავღანეთის დედაქალაქში ბომბის აფეთქების შედეგად დაიჭრა ვიცე-პრეზიდენტობის კანდიდატი, ამრულა სალეჰი. აფეთქება მიმართული იყო ქაბულში მისი ოფისის წინააღმდეგ. თავდასხმა მოეწყო წინასაარჩევნო კამპანიის პირველივე დღეს. საპრეზიდენტო არჩევნები 28 სექტემბერს გაიმართება. ავღანეთის შინგან საქმეთა სამინისტროს ცნობით, აფეთქების შედეგად დაიღუპა ორი და დაიჭრა, სულ ცოტა, 25 ადამიანი. სამინისტროს პრეს-მდივანმა რადიო თავისუფალი ევროპა/რადიო თავისუფლებას უთხრა, რომ აფეთქების შემდეგ შეიარაღებული პირები შეიჭრნენ ამრულა სალეჰის პოლიტიკური ორგანიზაციის ოფისში... Читать дальше...

"თიბისი ბანკის" დამფუძნებლების, მამუკა ხაზარაძისა და ბადრი ჯაფარიძის ადვოკატმა თბილისის საქალაქო სასამართლოს გადაწყვეტილება სააპელაციო სასამართლოში გაასაჩივრა. ზვიად კორძაძის თქმით პირველი ინსტანციის სასამართლოს განჩინება დაუსაბუთებელი იყო.  "განჩინება დაგვიანებით ჩაგვბარდა, სულ 48 საათია გასაჩივრებისთვის და ჩაგვბარდა დროის ამოწურვამდე 8 საათით ადრე. ამ დროში რაც შესაძლებელი იყო, ყველაფერი დავაფიქსირეთ. სასამართლო განჩინება არის დაუსაბუთებელი. ჩვენ არგუმენტებს, პასუხი საერთოდ არ აქვს გაცემული. საერთოდ არ არის განჩინებაში მსჯელობა... Читать дальше...

ქაბულში თვითმხილველებმა უთხრეს რადიო თავისუფალი ევროპა/რადიო თავისუფლებას, რომ ვიცე-პრეზიდენტობის კანდიდატი ამრულა სალეჰი არ დაშავებულა, ისე იქნა ევაკუირებული თავისი ოფისიდან. მანამდე გავრცელდა ცნობა, რომ სალეჰის ოფისთან ბომბი აფეთქდა, რის შემდეგაც შენობას თავს დაესხნენ შეიარაღებული პირები და გრძელდება შეტაკება ავღანეთის უსაფრთხოების ძალებთან.  ავღანეთში 28 სექტემბერს გაიმართება პრეზიდენტის არჩევნები. დღეს საარჩევნო კამპანიის პირველი დღეა. სალეჰი კენჭს იყრის პრეზიდენტ აშრაფ ღანისთან ერთად.

ავღანეთის შინაგან საქმეთა სამინისტროს განცხადებით, შეიარაღებული პირები შეიჭრნენ ვიცე-პრეზიდენტობის კანდიდატის, ამრულა სალეჰის ქაბულის ოფისში. მიმდინარეობს შეტაკება თავდასხმელებსა და ავღანეთის უსაფრთხოების ძალებს შორის. ავღანეთში 28 სექტემბერს გაიმართება პრეზიდენტის არჩევნები. დღეს საარჩევნო კამპანიის პირველი დღეა.

28 ივლისს, საპროტესტო აქციების 39-ე დღეს პარლამენტთან ფლი მარკეტი იმართება.  როგორც ორგანიზატორები ამბობენ დღეს, საქართველოში მოქმედი სტარტაპები თავიანთ პროდუქციას გაყიდიან და შემოსული თანხის 20%-ს ნებაყოფლობით ჩარიცხავენ აქციების ორგანიზებისთვის გამოყოფილ ანგარიშზე. საპროტესტო აქციები 20 ივნისიდან გრძელდება რუსთაველის გამზირზე. აქციის მთავარ მოთხოვნად ისევ რჩება შს მინისტრის გიორგი გახარიას გადადგომა.

ირანის საგარეო საქმეთა მინისტრის მოადგილე აბას არაყჩი ვენაში შეხვდა ბრიტანეთის, საფრანგეთის, გერმანიის, ჩინეთისა და რუსეთის წარმომადგენლებს. მოლაპარაკების მიზანია გზების გამონახვა ირანის ბირთვულ პროგრამაზე 2015 წელს მიღწეული შეთანხმების გადასარჩენად. 28 ივლისის შეხვედრის შემდეგ არაყჩიმ საინფორმაციო სააგენტო „როიტერსს“ უთხრა, რომ დისკუსიებმა კარგად ჩაიარა, თუმცა საკითხი არ მოგვარებულა. შეხვედრის ფონს ქმნის დაძაბულობის მორიგი ტალღა ირანსა და დასავლეთს, პირველ რიგში, აშშ-ს შორის, რის მიზეზებს შორისაცაა... Читать дальше...

ნიკოლოზ ბასილაშვილმა მეორედ მოიგო ჰამბურგის ტურნირი. ჩოგბურთელმა ნიკოლოზ ბასილაშვილმა ჰამბურგის ღია პირველობის ფინალში რუსი ანდრეი რუბლევი დაამარცხა. მან სამი სეტიდან ორი მოიგო. პირველი სეტი - ანგარიშით 6:3 და გამარჯვება მოიპოვა, ხოლო მეორე სეტში თავად დამარცხდა – 6:4. მესამე ბოლო სეტში ნიკოლაზ ბასილაშვილმა რუსი მეტოქი დაამარცხა ანგარიშით 7:5, რაც გადამწყვეტი ბრძოლა აღმოჩნდა. ნიკოლოზ ბასილაშვილმა ჩემპიონის ტიტულთან ერთად 500 სარეიტინგო ქულა დაიცვა.

რუსი ოპოზიციონერი პოლიტიკოსი ალექსეი ნავალნი, რომელიც ადმინისტრაციულ პატიმრობას იხდის, კვირა დილას საავადმყოფოში გადაიყვანეს. ის ამჟამად თერაპიულ განყოფილებაშია მოთავსებული. ნავალნის „კორუფციასთან ბრძოლის ფონდის“ პრესმდივანი კირა იარმიში ტვიტერში წერს, რომ დაკავებულ პოლიტიკოსს დიაგნოზად დაუსვეს „მწვავე ალერგიული რეაქცია“, რომ ნავალნის სახე დაუსივდა და კანზე სიწითლე აღენიშნება. ალერგიული რეაქციის მიზეზი არ დაუდგენიათ. იარმიში აღნიშნავს, რომ აქამდე ნავალნის არასოდეს ჰქონია ძლიერი ალერგია. ოპოზიციონერის თანამებრძოლი ლეონიდ ვოლკოვი ამბობს... Читать дальше...

პარლამენტის თავმჯდომარე არჩილ თალაკვაძე აცხადებს, რომ მამუკა ხაზარაძისა საქმეს არაფერი აქვს საერთო მის პოლიტიკურ გეგმებთან.  „ფაქტია, რომ იყო საბანკო ტრანზაქციები, რომელმაც კითხვები გააჩინა. ამ საქმის დაკავშირება პოსტფაქტუმ დაანონსებულ პოლიტიკურ მოძრაობასთან სპეკულაციურია. ოპოზიცია ამ ამბავს ხან მამუკა ხაზარაძის პოლიტიკურ გეგმებს უკავშირებს, ხან ანაკლიას, ვფიქრობ, ეს არათანიმდევრულია“, - აცხადებს პარლამენტის თავმჯდომარე.  თალაკვაძის თქმით დღეს, პოლიტიკური პარტიის შექმნის პრობლემა არ არსებობს. Читать дальше...

ვერ მოხდება საქართველოში ვერც პუტინიზაცია, ვერც ბელარუსიზაცია, რასაც ივანიშვილი აკეთებს, არის საქართველოს ასლანიზაცია, – ამის შესახებ საქართველოს ყოფილმა პრეზიდენტმა და ოდესის ოლქის ყოფილმა გუბერნატორმა, მიხეილ სააკაშვილმა სოციალურ ქსელ „ფეისბუქით“ გავრცელებულ ვიდეომიმართვისას განაცხადა. მისი თქმით, „ყველა ის ერთუჯრედიანი, ვინც ტოლობის ნიშანს აყენებს სააკაშვილსა და ივანიშვილს შორის, არის ივანიშვილის მთავარი მოკავშირე და სასარგებლო იდიოტი“. ამასთან, მიხეილ სააკაშვილი […]

რუსეთის პრეზიდენტ ვლადიმირ პუტინის განცხადებით, ქვეყნის სამხედრო-საზღვაო ძალები მზად არიან „ნებისმიერი აგრესორის“ მოსაგერიებლად. ამის შესახებ მან განაცხადა სანქტ-პეტერბურგში, სადაც დაესწრო სამხედრო-საზღვაო ძალების დღისადმი მიძღვნილ აღლუმს. პუტინი ავიდა აღლუმის მონაწილე ერთ-ერთ ხომალდზე. მისი თქმით, სამხედრო-საზღვაო ძალების დღით პატივს მიაგებენ ყველას, „ვინც ისტორიის სხვადასხვა პერიოდში ერთგულად და სიმართლით ემსახურა რუსეთს და ამის კეთებას განაგრძობს მის საზღვრებზე, თუ სამშობლოდან შორს“. მდინარე... Читать дальше...

ჰონკონგის ქუჩებში ისევ შეიკრიბნენ საპროტესტო აქციაზე ხელისუფლების მიერ დაწესებული შეზღუდვების მიუხედავად. აქტივისტები მსვლელობას მართავენ რაიონში, რომელიც ჰონკონგის ბიზნესცენტრია, ბლოკავენ მთავარ მაგისტრალებს. ისინი გმობენ პოლიციის ქმედებებსა და სადავო კანონპროექტს ექსტრადიციის შესახებ. ხელისუფლებამ გასცა მიტინგის კონკრეტულ ადგილას, ჩარტერ გარდენის პარკში, ჩატარების სანქცია და უკანონოდ მიიჩნევს აქციის სადმე სხვაგან გადატანას. წინა დღეს, 27 ივლისს, პოლიციამ ცრემლმდენი გაზი და რეზინის ტყვიები გამოიყენა დემონსტრანტების დასაშლელად. Читать дальше...

თუშეთში, ფშაველი-ომალოს გზაზე ომხდარი ავარიის შედეგად მეექვსე გარდაცვლილიც იპოვეს. სამაშველო-სამძებრო სამუშაოები დღეს დილის 6 საათიდან განახლდა. ამ დროისთვის ეძებენ ერთ დაკარგულ მგზავრს.  ბოლო მონაცემებით 27 ივლისს მომხდარი ავარიის შედეგად 6 ადამიანია გარდაცვლილი. სატვირთო ავტომობილი ხევში გადავარდა. მასში 12 ადამიანი იმყოფებოდა. გარდაცვლილთა შორის არიან მამა და ორი შვილი, მათგან ერთ-ერთი არასრულწლოვანია.  სამაშველო ოპერაციისას მაშველებმა 5 მოქალაქე გადაარჩინეს, მათ შორის 3 თელავის რეფერალურ საავადმყოფოში გადაიყვანეს. Читать дальше...

ციმბირში სამ მილიონ ჰექტარზე ტყეებს მოდებული ხანძრის კვამლი უკვე ვოლგისპირეთსა და ყაზახეთს მისწვდა. ამის შესახებ აცხადებს გარემოს დამცველ ორგანიზაცია „გრინპისის“ რუსეთის განყოფილების წარმომადგენელი, ანტისახანძრო განყოფილების უფროსი გრიგორი კუკსინი. ხოლო პროექტის „კრასნოიარსკი. ცა“ დამფუძნებელი იგორ შპეხტი აკრიტიკებს ხელისუფლების უმოქმედობას, დახმარებისა და ინფორმაციის ნაკლებობას. ხანძრები, რომლებიც 2019 წლის ზაფხულში 11 მილიონ ჰექტარზე დაფიქსირდა, ე.წ. კონტროლის ზონებში დაიწყო. გადაწყდა, რომ ხანძარს არ ჩააქრობდნენ... Читать дальше...

ამერიკის შეერთებული შტატების ელჩის მოვალეობის შემსრულებელი ელიზაბეთ რუდი მყინვარწვერზე ავიდა. "მისია შესრულებულია", - წერს საელჩო ოფიციალურ ფეისბუკ გვერდზე სადაც მწვერვალზე გადაღებულ ფოტოსაც აქვეყნებს.  საელჩომ 26 ივლისს გაავრცელა ინფორმაცია იმის შესახებ, რომ ელჩის მოვალეობის შემსრულებელი მყინვარწვერზე ასვლას აპირებდა. ელიზაბეთ რუდი მაშინ ყაზბეგის ღირსშესანიშნაობებზე რჩევებითა და რეკომენდაციებითაც დაინტერესდა.  მას მერე რაც რუსეთმა საქართველოში პირდაპირი ფრენები გააუქმა, აშშ-ის ელჩის მოვალეობის... Читать дальше...

ევროკავშირი კრიტიკით გამოეხმაურა 27 ივლისს მოსკოვში 1000-ზე მეტი მომიტინგის დაკავებას, რაც მას სიტყვისა და შეკრების თავისუფლების დარღვევად მიაჩნია. ბრიუსელი აღნიშნავს, რომ ეს უფლებები გარანტირებულია რუსეთის კონსტიტუციით. მანამდე უფლებადამცველმა ორგანიზაცია „ამნესტი ინტერნეიშნლმა“ მოითხოვა დაკავებულთა „დაუყოვნებლივ გათავისუფლება" და სამართალდამცველთა ქმედებების სრულად გამოძიება. 27 ივლისის მიტინგის მონაწილეთა მოთხოვნაა მოსკოვის საქალაქო სათათბიროს არჩევნებისათვის დამოუკიდებელი კანდიდატების რეგისტრაცია. Читать дальше...

საფრანგეთის პრეზიდენტ ემანუელ მაკრონის განცხადებით, მან რუსი კოლეგა მიიწვია ხმელთაშუა ზღვის პირას, ფორტ ბრეგანსონის რეზიდენციაში მოლაპარაკების გასამართად. მაკრონმა 27 ივლისს განაცხადა, რომ პრეზიდენტ ვლადიმირ პუტინს შეხვდება 19 აგვისტოს, „დიდი შვიდეულის“ სამიტის მასპინძლობამდე რამდენიმე დღით ადრე. ფრანგი ლიდერის განმარტებით, მოლაპარაკება ფორტ ბრეგანსონში გაიმართება იმის გამო, რომ ეს ადგილი იძლევა „განმარტებით მუშაობისა“ და უცხოელი ლიდერების მიღების შესაძლებლობას. შარშან მაკრონი მკაცრად გააკრიტიკეს... Читать дальше...

ჩრდილოეთმა კორეამ გაათავისუფლა რუსეთის სათევზაო გემი „სიანხაილინ-8“ და მასზე მყოფი პირები - 15 რუსი და ორი სამხრეთკორეელი. გემის 17 ივლისს დაკავების გარემოებები ჯერ კიდევ უცნობია. ჩრდილოეთი კორეა აცხადებს, რომ გემი უნებართვოდ შევიდა ქვეყნის ტერიტორიულ წყლებში. მოსკოვში ჩრდილოეთ კორეის საელჩოში განაცხადეს, რომ ხომალდს შემოწმების შემდეგ დაუბრუნებენ რუსეთს.

შეკვეილში მშენებარე სასტუმროდან ორი მუშა გადმოვარდა. ერთ-ერთი ადგილზე გარდაიცვალა, მეორე კი მძიმე მდგომარეობაში ფოთის საავადმყოფოშია გადაყვანილი.  გარდაცვლილი 60 წლამდე მამაკაცია. მრავალსართულიან სასტუმროს შპს "მაგნიკა" აშენებდა და მისი გახსნა 1 აგვისტოს იგეგმებოდა. შსს-მ გამოძიება სისხლის სამართლის კოდექსის 240-ე მუხლის მე-2 ნაწილით უკვე დაიწყო, რაც სამთო-სამშენებლო ან სხვა სამუშაოების წარმოებისას უსაფრთხოების წესის დარღვევას გულისხმობს, რომელიც ადამიანის სიცოცხლის მოსპობით დასრულდა. 2019 წელს სამშენებლო ობიექტზე სულ 13 მუშა გარდაიცვალა... Читать дальше...

პაკისტანის სამხედრო წარმომადგენლების განცხადებით, სულ ცოტა, 10 ჯარისკაცი იქნა მოკლული ორ პროვინციაში ექსტრემისტების თავდასხმების შედეგად. ერთ-ერთი თავდასხმა მოეწყო ავღანეთის საზღვართან, როცა ექსტრემისტებმა საზღვრის მეორე მხრიდან ცეცხლი გაუხსნეს პატრულს ჩრდილოეთ ვაზირისტანის რაიონში. დაიღუპა ექვსი პაკისტანელი ჯარისკაცი. თავდასხმაზე პასუხისმგებლობა პაკისტანელმა თალიბებმა აიღეს. მათ და სხვა ექსტრემისტულ ჯგუფებს დიდი ხანია, ძლიერი პოზიციები აქვთ ჩრდილოეთ ვაზირისტანში. 2017 წლის მარტში პაკისტანი... Читать дальше...