Оьрсийчоь лаххара а цхьа миллиард крона (47 миллионов долларов) ахча Врбетицехь 2014-чу шарахь герзан хIоьънийн ларманаш лелхийтарна охьадилла декхарейийр ю Чехино. Иштта ду Чехин телегойтийлехь финансийн министра Шиллерова Аленас дина дIахьедар. Денош хьалха оццул компенсаци еха тIедожийра пачхьалкхан парламенто Чехин Республикан Iедална. Прага дагахь ю масех кIиранах компенсаци ехарх долу документаш кечдан. Хьехош доллучул ахча дайъина пачхьалкхо шен бюджетера лелхийтарша дина зен меттахIоттош. Читать дальше...
Омск-мехкан могашаллин министр Мураховский Александр схьакарийна талла вахначохь вайна кхо де-буьйса даьлча. Иза ша кхаьчна наханна тIе, хаам бина оршотан дийнахь регионан Iедалан пресс-векалто. "Баслы юьртана гергахь наханна тIекхаьчна Мураховский. Дикачу хьолехь ву", - боху хаамехь. Большеуковский кIоштан дарбан хIусамехь зераш ду деш Мураховскийна, билгалдоккху меттигерчу Iедало. Дождь" телеканалца телефонехула къамел деш шен майра карийна хилар бакъдина Мураховскийн зудчо а. Цо дийцарехь... Читать дальше...
Кадыровн полкан буьйранчина "Оьрсийчоьнан турпалхо" цIе елла. Нах байъарна бехке хила мега иза, бохуш яздо зорбан гIирсашкахь цунах лаьцна бинчу хаамашкахь.
ГIалгIайн тайпанийн кхеташоно дехар хьажийна Оьрсийчоьнан тIеман министре Шойгу Сергейга шайн махкахь "Нестеровский" полигон йилла бина сацам юхабаккхар. "Цхьаъ делахь, иза коьртаниг а ду – ГIалгIайчоь латта якъо массанхьачул лакхара йолу мохк бу, адамна кхочу лаьттан дакъа вуно кIезиг а долуш. ШолгIа делахь, полигон йилла билгалъяьккхина меттиг ког баькх-баьккхинчохь архитектуран, археологин мехаллаш йолу латта ду. КхозлагIа делахь, лаьттан якъонехь ехачу ГIалгIайчохь полигонна хьажош ду бажа бажош а... Читать дальше...
"Франс-пресс" агенталлин корреспонденто беча хаамца, оршотан дийнахь Иерусалимерчу Аль-Акъса маьждигна хьалха шуьйра тийсадаларш хилла Палестинерчу дин лелочарна а, Израилан полисхошна а юкъахь.
ТIаьххьарчу дийнахь-буса Къилбаседа Кавказехь коронавирусах кхелхина и цамгар кхеттарца билгаваьлла хилла 24 пациент, керла цомгуш хилларш бу 277. Iедалан хаамца, коронавирусах Краснодар-махкахь велла 12 стаг, Ставропол-махкахь – 5, Адыгейхь – 3, Дагестанехь, Кхарачой-Чергазийчохь, Нохчийчохь цхьацца вахархо велла. Верриг а Къилбаседа Кавказехь пандемин муьрехь уьнах велла ларало 9 530 стаг. Уггаре дукха ун кхетта нах билгалбевлла дийнахь-буса Краснодар-махкахь – 93, уггаре кIезиг – Адыгейхь. Читать дальше...
Нохчийчоьнан куьйгалхочо Кадыров Рамзана Израилан Iедал декхаредо полици а, палестинахой а вовшахлаташ Ал-Акъса маьждиге гулбелла нах лазорца доьзна бусалбанаш кIинтIера баха. "ХIоьттинчу хьолехь массарна а тоьлу Израилан Iедал кхетамчу дар, хиллачунна бехкенаш къерабар. Цкъачунна тIаьхьа дац, ерзае конфликт, ца ерзаяхь, бохаме хир бу тIаьхьалонан барамаш! ", - яздина Кадыровс шен телеграм-каналехь. Малхбалерчу Иерусалимехь Стигалкъекъа-беттан 7-чохь вовшахлетира Израилан полици а, палестинахой а. Читать дальше...
Президента Путин Владимира "Оьрсийчоьнан Турпалхо" цIе тиллина Кадыров Ахьмадан цIарх йолчу полкан буьйранчина Чалаев Замидна. Хаамийн гIирсаша дуккхаза а яздина иза Нохчийн Республикехь адамийн бакъонаш талхорхочу нехан декъахь хиларх лаьцна. Чалаевна лаккхара цIе яларх лаьцна "ВКонтакте" машанерчу шен агIонехь хаам баржийна Кадыров Рамзана. Ткъа цо дуьйцу 268 ноьмар йолу буьйр цкъачунна гучудалаза ду Кремлан сайта тIехь. "Цхьа а шеко яц Чалаевн Замидна Оьрсийчоьнан турпалхочун цIе йогIуш хиларх. Читать дальше...
Омск-махкахь тахана а лохуш ву регионан могашаллин министр Мураховский Александр. Буса лехамаш совцийра шаьш, билгалдоккху мехкан чоьхьарчу гIуллакхийн министраллин урхалло. Стигалкъекъа-беттан 7-чохь вайна Мураховский. Квадроцикл тIехь вахана иза талла, Большеуковски кIоштан Поспелово юьртарчу таллархойн базера араваьлла, амма юха ца веана. КIирандиIйнахь хиина иза вайнийла. "Интерфаксо" бахарехь, шаьш лехна иза цуьнан накъосташа дийнахь-буса, ткъа Стигалкъекъа-беттан 8-чохь хаийтина полицина. Читать дальше...
Белхан зераш долийна арбитрна Васильев Станиславна дуьхьал. Бахьана ду Оьрсийчоьнан премьер-лигин 28-чу турехь Волгоградера "Ротор" а, Соьлжа-ГIалара "Ахмат" а тобанаш ловзуш 1:0 жамIаца нохчийн клуб эшар. "Комиссино сацам бина, Васильевс 85-чу минотехь "Ротор" тобан кевнашкахьа, къасто доггIушехь, пенальти тоха ца цакъастор харцо хилар. Чемпионат йоьрзучу кхаьчна хиларе терра, рефереш цкъа ца хилча санна сема, жоьпалле хила беза", - аьлла Оьрсийчоьнан футболан цхьаьнакхетараллин кхелахойн кхеташонан куьйгалхочо... Читать дальше...
