Нохчийчохь карантин юхаяьккхина, маршо елла дIасалела; ВОЗ-о дIахьедарца, дуьненчохь коронавирусан ун даьлла нах тIекхетта; Москвахь полисхошна герзаш диттинарг велла дарбан цIийнехь. Дийцарехь, ГIалгIайчуьра Галаев Ратмир ву иза; Гуьржийчочьнан журналисто Габунияс юха а аьшнашвина Путин Владимир
Эксгумаци йина, кхелан-медицинан экспертиза йинчу 23 шо долчу Умаева Мадинин хьокъехь девзина хьалхара жамIаш довзийтина аьлла, яздо "Кавказ.Реалиино". Цуьнан дегIа тIехь йина йина чевнаш яц аьлла, бу хаам. "Гуьмсан мэрехь гулбеш бу хаам дIа а кхайкхош, къамел дан Iалашонца еллачун дехула а, ненехула а болу гергарнаш а, иштта, цуьнан хилла марзой а", - аьлла, хаам бина бакъонашларъярхочо Саратова Хедас. Гуьмсерчу порталан хьостано дийцина, цу кхеташонехь хила тарло парламентан спикер Даудов Мохьмад а аьлла. Читать дальше...
Нохчийчуьрчу Элистанжахь 1999-чу шеран ГIадужу-беттан 7-чохь кеманашца бомбанаш йиттина, зенаш динчу 70 вахархочун аьрзнаш тIеэца йиш йоцуш ду аьлла, дIахьедина Европерчу адамийн бакъонийн кхело,яздо "Кавказ.Реалиино". Iазап лайначийн латкъамаш юха а листийта дагахь бу бакъонашларъярхой Оьрсийчоьнан кхелашкахь.
ТIаьххьарчу буса а, дийнахь а Къилбаседа Кавказехь коронавирусан уьнах велла исс стаг, ун къаьстина кхин а 515 вахархочуьнца. Эпидеми дIаса ца яржийта Iалашонца кхоьллинчу оперативан штабан зерашца, Дагестанехь велла кхоъ, Краснодаран кIоштахь а, ГIебарта-Балкхаройчохь а, Ставрополехь а шишша. Верриг а Къилбаседа Кавказехь COVID-19 инфекцех велла 705 дархо. Къаьсттина дукха бу ун даьлла нах Ставрополан махкхахь – 102 стаг: Ставрополан мохк +102 (4 451 ву эпидеми яьржичхьана) Кхарчой-Чергазийчоь... Читать дальше...
Оьрсийчоьнан Федералан кхерамазаллин сервисо (ФСБ) лаьцна Курскан махкарчу кIоштан декъан хьаькам, цо даймахкана ямартло йина хиларна шеко йолуш, хаам бо Маршо Радион Оьрсийн сервисо. ЧIагIдеш ду, цо Украинин кхерамазаллин сервисе къайлаха болу хаамаш дIалуш хилла бохург. Цунах лаьцна хаам бо ТАСС агенталло, ФСБ-н юкъараллийца уьраш латторан центрна тIе а тевжаш. Лаьцначуьнан цIе а йовзийтина цу хаамехь. Иза ву полицин подполковник Борзенков Дмитрий. Цунна дуьхьал бехктакхаман гIуллакх долийна "пачхьалкхана ямартло яр" артиклехула. Читать дальше...
Карарчу беттан 12-чу суьйранна Нохчийчуьрчу Устрада-ГIалара схьаяьлла 23 шо долу Умаева Мадина елла карийра Гуьмсехь. Сихонца оцу буьйсаннехь дIайоьллинера иза. Талламичийн сацамца, цуьнан дакъа коша чуьра юха схьаийцира. Кхелан-медицинан экспертизо къастор ду, йийна ю иза, я ша елла, яздо "Кавказ.Реалии" портало. Мадинин гергарчара чIагIонаш йо, марнана а декъахь йолуш, цIийндас дов даьллачохь, йийна иза бохуш. УмаевгIара бахарехь, берана луш долу ахча дайина аьлла, кочавахначу хIусамдас буйнаш биттина юьхьанца... Читать дальше...
Нохчийчоьнан куьйгалхочо Кадыров Рамзана дIахьедина Оьрсийчоьнан Конституцина тIехь хийцамаш барна ша гIортор еш хиларх лаьцна. Цунах лаьцна цо яздина шен телеграм-каналехь. "Со тешна ву мехкан суверинитет Iалашъян Путин Владимира юха а дакъалаца дезаш хиларх рогIерчу президентан харжамашкахь. Таханлерчу денна суна цхьа а стаг ца го, хIара ву цуьнан метта хинверг ала. Цуьнан санна хиндерг гар а, хьекъале политикан сацамаш бар а долуш, даггах, кIорга Даймахке, махкарчу халкъашка безам хилар ца гина суна цхьана а политикехь. Читать дальше...
Гуьржийчуьрчу "Мтавари архи" телеканалан журналисто Габуния Георгийс юха а маьттаза дешнаш аьлла Оьрсийчоьнан президентех Путин Владимирх лаьцна, яздо "Эхо Кавказа" портало. Аналитикан "Постфактум" программехь хиллачу монологехь Габунияс иштта дIахьедина, ша даьндаргах кхоьруш вац аьлла. Журналисто боху, майраллин а, доьналлин а символ шена Кадыров Рамзан вац, Дудаев ДжовхIар ву. Тбилисехь йоьдучу лерринчу операцехь лаьцна ГIалгIайчуьра 38 шо долу вахархо Боков Васамбек. "Мтавари архи" телеканалан директоро Гварамия Никас бахарехь... Читать дальше...
Дуьненаюкъарчу могушалла Iалашъяран организацино (ВОЗ) хаам бина тIаьххьарчу дийнахь а, буса а коронавирусан ун даьлла нах тIекхетарх – 183 эзар сов стаг, яздо "Свобода" Радионо. КIиран дийнахь динчу зерашца, къаьсттина дукха бу вирус кхетта нах Бразилехь а, Американ Цхьаьнатоьхначу Штаташкахь а, ХIиндойчохь а. Оццу хена чохь велла 4 743 пациент. 50 эзарал тIех ду Бразилехь уьнах беллачийн терахь. Американ Цхьаьнатоьхна Штаташ ю царел а хьалха. Эпидеми яьржичхьана цигахь кхелхина 120 эзар дархо. Читать дальше...
ТIаьххьарчу буса официалан зерашца, Оьрсийчохь коронавирусан инфекцех кхелхина 95 стаг. Дуьххьара цхьана баттахь ала мегар долуш мел лахара а 100 стаг кхелхина 24 сахьтехь. Ун даларца билгалваьлла 7 700 стаг – Охан-беттан 30-чу дийнера схьа иза уггар а лахара гайтам бу. Иштта цхьана дийнахь гIоле хилла 4, 5 эзар пациентана. Эпидеми яьржичхьана 600 эзар вахархочух кхийтира вирус, царах 8 эзар велла. ТIаьххьарчу 24 сахьтехь Москвахь ун даьллачу нехан терахь лакха гIоьртина, эзарна тIехъэккхаш.... Читать дальше...
Москварчу Ленинскан проспектехь шина полисхочунна герзаш диттина стаг велла дарбан хIусамехь аьлла, яздо ТАСС агенталло, Талламан комитетан векална Иванова Юлиян информацина тIе а тевжаш. "Москварчу Ленинскан проспектехь шина полисхочунна тIелатар дина 1995-чу шарера стаг кхелхина", - аьлла цо. Москвахь динчу тIелатарехь карарчу беттан 15-чохь делкъал тIаьхьа лазийра ГИБДД-н ши полисхо. Некъан низам дохийна такси сацийна, машенлелорхочунна гIуда тоьхна, протокол хIотточу заманчохь машенна герга а веана, герзаш диттинера зуламхочо. Читать дальше...
Оршотан дийнахь дуьйна Нохчийчохь карантинан раж юхаяьккхина, махкахула дIасалела маршо елла аьлла, хаам бина "Коммерсанто". Республикан куьйгалхочо Кадыров Рамзана дина цу кепара дIахьедар, оперативан штабан кхеташонехь. Делахь а, шога ларбан безар бу Роспотребнадзоран билламаш: масканаш лелор а, дистанци ларъяр а. Нохчийчохь цкъачунна болх бан йолаяланза ю ресторанаш а, кафеш а, иштта бихкина бу нах гулбен барамаш хIиттор а. Кеманашца Соьлж-ГIала лелачу некъахойн карахь коронавирус цахиларх тоьшалла-кехат хила деза аьлла. Читать дальше...