Карантинан къепе а ца ларъеш, коронавирусан инфекци яржон нах байа богIура аьлла, дIахьедина Нохчийчоьнан куьйгалхочо Кадыров Рамзана. Министрий кабинетца дIаяьхьначу кхеташонехь дийцина Кадыровс, карантинехь ца Iийначу Меккера цIа веанчу меттигерчу вахархочух, яздо "Кавказский узел" агенталло. "Нагахь санна, цуьнца и цамгар елахь, эзарнашкахь нахана ун дер м а ду цунах, - аьлла Кадыровс. - Ша шех бала беш волу стаг, соьга хаьттича, вен вогIура. Ша цомгуш хилла ца Iаш, шен доьзална а, йижаршна а, вежаршна а, лулахошна а дIалуш ма ду цо и ун".
Нохчийчу ун кхаьчна, диттина дозанаш, тоьгу масканаш (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).
Гилоян Элеонора, "Кавказ.Реалии" Цкъачунна динчу жамIаца, Абхазерчу президентан харжамийн хьалхарчу турехь тоьлла оппозицин лидер Бжания Аслан. Лакхарчу кхелан сацамо декхарейира Абхази харжамаш юхабан. Хьалха дIабаьхьина харжамаш цо юхабехира президентан харжамех долчу низаман 19-чу артикланна тIе а тевжаш, шолгIачу гонехь кхаьжнаш нийса багарбина цахиларца доьзна. Хьоло гIовттинчу бахархоша декхаредира Iедал харжамаш юхабайта... Читать дальше...
Пейсахова Анна, "Кавказ.Реалии" Соьлжа-ГIаларчу яхархочо Сосуркаева Лианас арздинера Шуьйтан кIоштан кхело дIадахначу шеран ГIуран-беттан 10-чу дийнахь бинчу сацамна, амма хIинца и сацам бакъбина Нохчийчоьнан Лакхарчу кхело. Цуьнан бераш цуьнга дIадаларх долу гIуллакх листар Шуьйтарчу коллегаша ханна сацор нийса ду, психологин экспертиза ян еза, аьлла Соьлжа-ГIаларчу кхелахоша. Майра велча, марвешица... Читать дальше...
Йоьдучу спецоперацехь Цороев Беслан верна бехк Оьрсийчоьнна тIехь бу аьлла, дIакхайкхийна Европерчу кхело. Бакъонашларъяран "Мемориал" центро бина и хаам "Кавказ.Реалии" портале. 2009-чу шарахь хилла ю юьйцу инцидент. Сатосучу заманчохь Цороев Хьасанан цIенна го лаьцнера полисхоша. ХIусам чохь мел волчуьнга аравала аьллера ницкъахоша. Хьасан а, цуьнан хIусамнана Iайшат а полисхойн декъе дIадигира, ткъа Беслан чохь висинера. Масех сахьт даьлча хIара шиъ юхадеача, вийна карийра царна шайн кIант Кхелан экспертиза а йина... Читать дальше...
Шовзткъе диъ шо долчу Бусайнас шена ша хIусам йоцуш йисича санна хета боху, ша дуккха а буьйсанаш чохь яьхна Демаьшкерачу Омейадийн маьждиг Iедало коронавирусца доьзна дIакъовлийтичхьана.
ТIетаьIIина дуьне мел ду яьржаш ю коронавирус. Дуьненаюкъарчу могушалла Iалашъяран организацин (ВОЗ) директоро Гебрейесус Тедрос Адханома дIахьедарца, 100 эзар стагна ун а долуш, дуьххьара вирус гучуяьлла 67 де даьлла. 100 эзарна тIера шина эзаре делира терахь 11-чу дийнахь. Ткъа диъ де даьлча 300 эзар стаг вара ун кхетта. Оршотаийнахь, карарчу беттан 23-чохь, 373 эзар стаг ву коронавирусца дуьненчохь. COVID-19 вирусна дуьхьал 20 пайден хирдолу молха ду кечдеш. КарабогIучу баттахь билггал ала йиш хир ю, цу препараташа дарба до аьлла. Читать дальше...
Москварчу Внуковон орцан министраллан белхахошна тIелатар дина, царех леттера аьлла, бехкевина кхаа шарахь чохь латтийна, тIаьхьа бехказваьккхинчу Нохчийчуьрчу вахархочунна Цетиев Хьусейнна компенсаци дала дуьхьал хилла Москва гIалин кхелахой, яздо "Кавказский узел" агенталло. Стохка Москварчу Тверской кIоштан кхело 500-700 эзар соьмашкахь ахча хIоттийнера Нохчийчуьрчу вежаршна ЦетиевгIарна Хьусейнна а, Сайд-Мохьмадна а. Ткъа цаьрца цхьана хиллачу Ражапов Хьамидна миллион сом деллера. Кхоккха шераш хенаш текхна цу кхааммо а лаьцначохь. Читать дальше...
Эпидеми яьржинчу пачхьалкхашкара Нохчийчу цIавирзина 450 гергга стаг шина кIиранна карантине охьавиллина, яздо "Новости" агенталло. Вице-премьеро, коронавирусан ун ца даржийта кхоьллинчу штабан коьрте хIоттийначу Ахмадов ШахIида бина и хаам хьостане. "Таханалерачу дийнахь лоьрийн тергонехь ву эпидемин хьал ира лаьттачу мехкашкара республикера вирзина 447 вахархо", - аьлла, билгалдаьккхина Ахмадовс. Ишта цо бахарехь, ОРВИ-н симптомашца дарбан хIусамехь латтош ву кхо стаг. Дуьххьара йинчу тесташа коронавирус къастийна цаьрца... Читать дальше...
Гуьмса кIоштан Энгал-Юьртарчу лоьмар 2 йолчу школан директоран гIовсна Мамацуев Халидна дуьхьал бехкзуламан гIуллакх диллина, кхаьънаш эцна цо аьлла. Талламчийн версица, стохка ГIадужу-баттахь меттигерчу вахархочуьнгара 40 эзар сом эцна хилла цо, ша болх бечу школе иза дIаоьцур ву аьлла. Динчу зуламна 3 шарера 8 шаре кхаччалц хан кхачайо цунна низамаша, ишта тIедожадо гIуда такхар а. Цул совнах, пхеа шарахь цхьана а даржехь болх бан бакъо а хир яц Мамацуевн.
Нохчийчоьнан Конституцина лерина парламентехь дIаяьхьначу кхеташонехь депутаташа цхьабоса кхаьжнаш тесна Висмурадов Абузайд ("Патриот") премьер-министран гIовс хоржуш. Республикерчу Iедалехь ницкъаллийн структурийн блокех жоп лур ду цо тIейогIучу заманчохь. Карарчу шеран Чиллан-баттахь Нохчийчоьнан куьйгалхочо Кадыров Рамзана махкарчу Iедалехь ницкъаллин структурийн блокехула вице-премьеран дарже хIоттийнера Висмурадов Абузайд. Висмурадов СОБР "Терек" герзхойн тобан командир а, "Ахмат" латархойн клубан куьйгалхо а ву ишта. Читать дальше...
COVID-19 вирусна дуьхьало латторехь коьрта Iалашонаш билгалъяьхна Нохчийчуьрчу парламентан спикеро Даудов Мохьмада. "Шинаридийнахь дуьйна дарбан хIусамаш а, кхача бухку а, молханийн а туьканаш а бен хир чц болх беш. Карантин йоьдучу заманчохь боьхкуш бу бахархойн гуламаш а. Кхечу пачхьалкхашкара цIабаьхкина нах а, церан контакт хилларш а шина кIиранна карантине охьабохкур бу. Мехкан куьйгалхочо ма-аллара, уггар а нах гулбен меттиг ю вайнахалахь: ловзар а, тезет а. Ас билгалдоккху, доьзал кхуллучу шинна юкъахь маха бан мегар ду... Читать дальше...
Социалан машанашкахь Нохчийчоьнан куьйгалхочо Кадыров Рамзана яздина, дуьненахь яьржина коронавирус эшон хьовса деза аьлла. "Тахана Iедална а, юкъараллана а хьалха коьрта Iалашо ю - коронавирусан эпидеми республикехь ца яржийтар. Вайн бахархойн могушалла а, кхерамзалла а массо а хIуманал а деза ду вайна", - аьлла, билгалдаьккхина Кадыровс. Цо бахарехь, цхьа могIа барамаш бу махкахь дIахьош Iедалхоша оцу Iалашонна хьажийна. "Ас тIедиллина оршотдийнахь ресторанашкахь а, кафешкахь а хийцамаш бе аьлла. Читать дальше...
Нохчийчуьрчу муфтиятехь цIеххьана вовшахтоьхначу кхеташоне гулбеллера муниципалан кIошташкара къеданаш. Коронавирусна профилактика ярехь регионехь цхьа некъаш лело дезаш хилар билгалдаьккхина республикан муфтийс Межиев Салахьа, яздо "Чечня Сегодня" агенталло. "ХIора кIоштахь дIахаийта, пIераскандийнахь маьждигашкахь Рузбана ма гулло алий. Дийцарехь, гIеметтара болчу нахана а, шайн дегIаца цхьацца сиркхонаш йолчарна а атта долу и ун. Цундела царна пайден хир ду чохь сацар. Тезетах а, зуда ялорах а дерг аьлча... Читать дальше...