Аполитикатә хынҭаҩынҭареи аԥсуа ҳәынҭқарра ахаҿреи азҵааразы адырраҭара "Коӷониаԥҳа лымҩаду" аҟны игәаанагара иҳәеит Ауаажәларратә палата алахәыла Абессалом Кәарҷиа.
Афонд "Ашана" ихацнаркыз аспорттә акциа "Илахҿыху ашьыжь" мҩаԥысит лаҵара 25 рзы ашьыжь. Sputnik акорреспондент иматериал аҿы шәаԥхьар шәылшоит ари акциа аԥеиԥши, уи иалахәызи, иара убас ари аҽны зымшира агәазҭоз дарбануи ртәы.
Арадио Sputnik Аԥсны ихацнаркуеит "Аҭоурых иагәылаҵәаху" ҳәа хьӡыс измоу арубрика ҿыц. Уи аҟны иӡыргахоит ҳмузеиқәа рҿы иҵәаху хәызмаӡам аекспонатқәа рҭоурыхқәа.
Аԥсны еизгоу акоманда аԥхьа ишьҭоу ConIFA-2019 аверсиала Европа ачемпионат аҽазыҟаҵашьа шцо, атурнир ахь ацаразы ргәалаҟара шыҟоу атәы шәаԥхьа Sputnik Аԥсны аматериал аҿы.
Аԥсны Жәлар рартист Тото Аџьапуа арадио Sputnik аефир аҟны акомпозитор Кәасҭа Ченгьелиа дигәаларшәо, иазгәеиҭеит уи гәык-ԥсыкала аԥсуа ашәақәа дшырзыҟаз, урҭ ргәыбылра аҿар ишыдиркуаз.
Гагра араион, Лаԥсҭарха ақыҭан, аерман бжьаратә школ №1 аҟны аҳәынҭқарратә бызшәа аҵара шымҩаԥысуа атәы ҳзеиҭалҳәеит аашықәса раахыс аерман хәыҷқәа аԥсуа бызшәа дзырҵо Ланда Багаҭелиаԥҳа.
Ишԥеиҿкаахо ахәыҷқәа рзы аԥхынтәи аԥсшьарамшқәа, иарбан лагерқәоу аҵара министрра еиҿнакаауа – абри атәы арадио Sputnik Аԥсны аефир аҿы еиҭеиҳәеит Аԥсны Аҵареи аҭҵаарадырреи рминистр Адгәыр Какоба.
