Александр Невски иорден ранаршьоит ауаажәларратәи аполитикатәи усзуҩцәа ганрацәалатәи аусеицура- рылшамҭақәа рзы.
Асертификациеи, ахархәареи, атехникатә хылаԥшреи рзы аҳәынҭқарратә еилакы ахантәаҩы Гарри Саманба аԥсуа телехәаԥшраҿы иаиҭаз апресс- конференциаҿы иҳәеит атуристә сезон алагамҭаз имҩаԥгаз агәаҭарақәа ртәы.
Аиааира Ду иахьӡынҩылаз, итрадициатәу арра-спорттә хәмарра "Аиааира" мҩаԥысит Гагра араион.
Акоррупциа иаҿагыло азакәанԥҵара адкыларазы аԥшьгаратә гәыԥ ахаҭарнак Рисмаг Аџьынџьал арадио Sputnik Аԥсны аефир аҿы еиҭеиҳәеит иарбан лагалақәоу азакәан аҿы иарбазарц ахәҭаны иибо.
Аполигон ҿыц иазыԥхьагәанаҭоит ацрыҵқәа рыҟреи иара убасгьы апластики ацеллофани Аԥсны ралгара.
Аџьынџьтәылатә еибашьра Ду аџьеи аруааи рветеранцәа рхеилак ахантәаҩы ихаҭыԥуаҩ Закан Нанба арадио Sputnik Аԥсны иаиҭаз аинтервиу аҿы иҳәеит Аиааира Ду аныҳәазы аусқәа рылахәхаразы Урыстәылаҟа ацара зылшаз ветеранк шиаку.
900-ҩык рҟынӡа Аҩныҵҟатәи аусқәа рминистрра аусзуҩцәа лаҵара 8-9 рзы ауаа ршәарҭадара иахылаԥшлоит.
Аԥсны иналукааша аҳәынҭқарратә, аполитикатә, арратә усзуҩ Владимир Аршба иԥсы ҭазҭгьы лаҵарамза 7 рзы ихыҵуазаарын 60 шықәса. Аԥсны ашәарҭадаратә маҵзура анапхгаҩы Зураб Марганиа арадио Sputnik аефир аҿы иҳәеит Владимир Аршба зыԥсадгьыл азы ӷәӷәала згәы былуаз шиакәыз.
