Икешәр бала утырган машиналар белән коточкыч авариядә җиде кеше имгәнгән
Башкортстанның Архангел районында авариядә 7 кеше имгәнгән. Бу турыда «Башинформ» Гадәттән тыш хәлләр министрлыгына сылтама хәбәр итте.
«Бүген көндез Уфа-Инзер-Белорет» юлының 73 нче километрында Терекле авылы янында ике җиңел машина бәрелешә. «лада Веста» машинасында 4 кеше, шул исәптән 2 бала була. «Фольксваген Гольф» машинасында да 4 кеше, шул исәптән 2 бала була», – дигән коткаручылар.
Зыян күрүчеләрне коткаручылар машиналардан чыгарган. Аларга беренче ярдәм күрсәткәннәр.
Авариядә үлүчеләр юк. 7 кешене – 3 өлкән кеше һәм 4 баланы – Уфа хастаханәсенә илткәннәр, диелә хәбәрдә.