Актанышта «Үлемсез полк» йөреше быел да «Җиңү капкалары» акциясе форматында узды. Бөек Җиңү Байрагы беркетелгән бизәлгән автомобильләрне ветераннарның туганнары урамга, капка алларына чыгып каршылады. Бу хакта «Актаныш» сайтында Ләйсән Газизова яза.
«Ватан сугышында катнашкан бабаларының портретларын тоткан авылдашларның йөзендә алар өчен горурлык хисләре балкый иде. Кайберәүләр Җиңү машиналарын илебез символлары - Россия, Татарстан әләмнәре, чәчәкләр, шарлар белән каршылады», диелгән хәбәрдә.
