«Татмедиа» бинасы янында «Ялкын» журналының 100 еллыгына багышланган күргәзмә ачылды. Шул уңайдан журнал бәйрәм дә оештырды. Ул Татарстан матбугаты көненә багышланган «Медиапикник» кысаларында үткәрелә.
«Ялкын»ның баш мөхәррире Илназ Фазуллин күргәзмәнең җәй дәвамында эшләячәген әйтте.
«Безнең өчен быел мөһим үзенчәлекле, мәгънәле һәм тарихи вакыйга - ул «Ялкын»га 100 ел. «Медиапикник» кысаларында үз күргәзмәбезне ачтык. Ул җәй дәвамында эшләячәк. Бу интерактив та, эчтәлекле дә, тарихи да, белем бирә торган да күргәзмә», – диде Илназ Фазуллин.
Бәйрәмдә эстрада җырчылары Илназ Гарипов, Лилия Хәйруллина чыгыш ясый.
