Әтнә районы Күңгәр авылында яшәүче Гөлүсә Гатиятуллинаның махсус хәрби операция зонасына бер тапкыр кулланыла торган ашлар әзерләп җибәрүе хакында хәбәр иткән идек инде. Гыйнварь аенда Гелүсә хәрбиләргә ике төрле аш, үзе ясаган пакетлы чәйләр һәм «коры душ» әзерләп җибәргән иде. Бу хакта «Әтнә таңы» хәбәр итә.
Бу юлы да ул карабодайдан итле ботка, токмачлы аш, борщ, итле бәрәңге әзерләгән.
«Бик күп көч керде. Кулым авырткан килеш ясадым . Туган як, туган йорт җылысы белән пешерелгән әлеге ризыклар хәрбиләргә исән-сау әйләнеп кайтырга насыйп итсен иде», - ди ул.
Фото: https://atnya-rt.ru
