Теъдоди қурбониёни ҳамла ба толори мусиқии “Крокус Сити Ҳолл” дар наздикии Маскав рӯзи 27-уми март ба 140 нафар расид.
Хабарнигори тоҷик Анушервон Орипов мегӯяд, рӯзи 26-уми март ӯ ва чанд шаҳрванди дигари Тоҷикистон натавонистаанд ба хоки Гурҷистон ворид шаванд.
Субҳи 27-уми март дар Хуҷанд адиберо ба хок супориданд, ки дар даврони Шӯравӣ падарашро аз Тоҷикистон бадарға карда буданд. Муҳиддини Хоҷазод ҳарчанд дар Русия ба дунё омад, вале беш аз 60 соли умрашро ба Тоҷикистон бахшид, эҷод кард ва унвони нависандаи халқиро гирифт.
Даҳҳо муҳоҷир аз кишварҳои Осиёи Марказӣ шикоят доранд, ки баъд аз ҳамлаи террористӣ дар “Крокус Сити Ҳолл”-и Маскав ба зӯроварӣ, муносибати душманона ва ронда шудан аз кор рӯбарӯ гаштаанд. Муҳоҷирон мегӯянд, сокинони Русия талош мекунанд, дар ҳар ҳолати мумкин бадбинии худро ба онҳо нишон диҳанд.
Ҳамла ба толори "Крокус" ва боздошти тоҷикон бо иттиҳоми даст доштан дар он, мардуми зиёдеро дар Тоҷикистон ва муҳоҷиронро дар Русия сахт тарсондааст. Баъзе аз сафар ба Русия даст кашида, гурӯҳи дигар аз бимашон ба Тоҷикистон бармегарданд.
Ҳамла ба толори "Крокус" ва боздошти тоҷикон бо иттиҳоми даст доштан дар он, мардуми зиёдеро дар Тоҷикистон ва муҳоҷиронро дар Русия сахт тарсондааст.
Раҳбари худкомаи Беларус Александр Лукашенко рӯзи 26-уми март гуфт, ҳамлаварон ба толори консертӣ дар наздикиҳои Маскав дар охири ҳафтаи гузашта бинобар чораҳои амниятӣ дар сарҳад натавонистанд вориди кишвараш шаванд.
Ҳомиёни ҳуқуқ гӯши бурида, як чашми аз косахонааш баромада ва рӯйҳои вараму сиёҳи баъзе аз гумонбарони ҳамла ба маркази "Крокус"-ро "шиканҷаи намоишкорона" ва "тарсондани мардум" донистанд.
Ахбори Тоҷикистону ҷаҳон
Кумитаи давлатии амнияти миллии Қирғизистон тасдиқ кард, ки муовини пешини раиси Хадамоти гумруки он кишвар Райимбек Матраимовро боздошт кардааст. Дар ин бора КДАМ 27-уми март хабар дод.
Вакилони мудофеи гумонбарони ҳамла ба "Крокус Сити"-и шаҳри Маскав бо таҳдидҳо рӯ ба рӯ шудаанд. Дар ин бора расонаҳои Русия хабар доданд.
Қосимҷомарт Тоқаев, президенти Қазоқистон, рӯзҳои 28-29-уми март бо сафари корӣ ба Чин меравад ва дар ҷаласаи Форуми осиёии Боао ширкат мекунад.
Мақомоти Узбекистон пас аз ҳамлаи маргбор дар толори “Крокус Сити”-и Маскав аз муҳоҷирони кории узбек дар Русия хостаанд, ки талаботи бехатариро риоя кунанд.
Додгоҳи ноҳияи Якуми шаҳри Бишкек вакили порлумон ва раиси ҳизби мухолифи "Бутун Қирғизистон" Адахон Мадумаровро дар хиёнат ба давлат айбдор донист.
Радиои Озодӣ дар бораи Исроил Исломови 62-сола ва ду писараш Аминҷон ва Диловар Исломовҳо, ки дар пайванд ба ҳодисаи "Крокус Сити Ҳолл"-и Маскав дастгир шудаанд, баъзе маълумот пайдо кард.
Як вакили Думаи давлатии Русия баъди ҳамла ба толори "Крокус" пешниҳод кардааст, ки миёни Русия ва кишварҳои Осиёи Марказӣ низоми раводид ҷорӣ карда шавад.
Ҳангоми ҳамла ба "Крокус Сити Ҳолл"-и Маскав қаҳрамононе ҳам буданд, ки ҷони даҳҳо нафарро наҷот додаанд.
Шӯрои ҷамъиятии назди Сафорати Тоҷикистон дар Русия бо пахши изҳороте гуфтааст, вазъият барои шаҳрвандони хориҷӣ дар Русия тағйир наёфтааст.
Дар даври чаҳоруми марҳилаи дуюми интихобии Ҷоми ҷаҳон-2026 тими миллии футболи Урдун пирӯз шуд, Тоҷикистону Арабистони Саудӣ бозиро мусовӣ карданд, аммо Покистон шикаст хӯрд.
Муовини пешини раиси Хадамоти гумруки Қирғизистон Раимбек Матраимов, ки таҳти пайгарди қонунӣ қарор дошт, дар пойтахти Озарбойҷон боздошт ва 26 март ба Бишкек истирдод шудааст.
Нерӯҳои интизомӣ дар Санкт-Петербург як зодаи Осиёи Марказиро ба далели "шарҳи ҷонибдорӣ ба хабари ҳамлаи террористӣ дар "Крокус Сити Холл" боздошт карданд.