لاندی د پښتنو دودیز خوراک دی او په سړو سیمو کې پښتانه یې په ژمي کې زیات پخوي. لاندی د مودو راهیسې په کورونو کې جوړېږي خو د پښین یارو او سرانانو په بازارونو کې اوس خرڅیږي هم. د دې سیمې قصابان وایي د لاندي غوښو لپاره د شینواري په نامه پسونه له افغانستانه راولي. هغه وایي اوس زیاتره خلک په کورونو کې لاندی نه کوي ځکه چې پسونه ګران دي او خلک یې د اخیستو توان نه لري نو ځکه یې زیاتره خلک د کیلو په حساب ترې اخلي. د لاندي غوښه په دې ورځو کې یوه کیلو په ۳۲۰۰ کلدارې خرڅیږي او زیاتره خلک یې د سوغات په ډول خپلو خپلوانو او ملګرو ته ورکوي. د لاندي غوښه د ښوروا جوړولو او نورو دودیزو خوراکونو په پخولو کې کارول کېږي. د صمد شبنم ویډیویي راپور.
