د مې پر ۱۰مه د پاکستان د ایین ساتنې غورځنګ (تحریک تحفظ ایین پاکستان) مظاهرو ته د شپږو ګوندونو د غړو او پلویانو ترڅنګ ولسي وګړي هم ورغلي ول.
د شرکت وياند عبدالله حفيظ مشال راډيو ته وويل چې د حاجیانو لپاره ځانګړي پروازونه یې د مې له نهمې پیل کړي دي او پر لومړۍ ورځ له کراچۍ، اسلام اباد او لاهوره په ۱۱ الوتکو کې ۲،۱۶۰ زایرین سعودي عرب ته ورسېدل.
د مې پر نهمه په پېښور کې د جمعیت علمای اسلام (ف) او تحریک انصاف ګڼو غړو او پلویانو جلسې کړې دي. د جمعیت جلسه د هغه احتجاجي تحریک د لړۍ برخه ده چې د ګوند مشر مولانا فضل الرحمان د فبرورۍ اتمې په عامو انتخاباتو کې د درغلۍ پرضد اعلان کړی وو. نوموړي په خپله وینا کې پر پوځ په سیاست کې د مداخلت پر سر نیوکې وکړې. خو پوځ په بیا بیا ویلي دي چې په سیاسي چارو کې لاسوهنه نه کوي. د تحریک انصاف پلویانو هم په خپله جلسه کې د انتخاباتي درغلیو پرضد نعرې وهلې. د پاکستان انتخاباتي کمېشن په بیا بیا ویلي دي چې ټولټاکنې بشپړې شفافې، بې پرې او منصفانه وې. Читать дальше...
