Büyük Britaniyanıñ tış işleri naziri Boris Conson, Ukrainadaki zenaatdaşı Pavlo Klimkin ile Torontoda körüşüvinden zevq alğanını bildirdi. Körüşüvde tış siyaseti muessiseleriniñ başlıqları Donbass ve Qırımdaki vaziyetni muzakere ettiler. Bunı Conson Twitterde bildirdi. Conson: «Bügün Ukraina tış işleri naziri Pavlo Klimkinni körmek zevqına malik oldım. London ile Kyivniñ reformalar saasında emekdaşlığı ve Donbass ile Qırımdaki vaziyetke diqqat etüvni saqlap qalmaq kerekligi muzakere etildi», – dep yazdı. Читать дальше...
AQŞ devlet kâtibi vazifesini eda etken Con Sallivan ve Ukraina tış işleri naziri Pavlo Klimkin Torontodaki körüşüvleriniñ neticesi boyunca Rusiyeni «Minsk añlaşmaları boyunca mecburiyetlerini tolu kölemde yerine ketirmege ve Qırımnıñ işğalini toqtatmağa» davet ettiler. Bunı AQŞ Devlet departamentiniñ spikeri Hizer Nauert Twitterde bildirdi. Ondan ğayrı, Sallivan, Klimkin ile körüşüvi esnasında «Rusiyeniñ tecavuzına qarşı Ukrainanıñ suvereniteti ve topraq bütünligine şartsız olaraq qol tutqanını tasdiqladı», dep bildire Nauert. Читать дальше...
Kanadadaki Toronto şeerinde «Yediler gruppası» tış işleri nazirleriniñ körüşüvi başlandı. Ukraina tış işleri naziri Pavlo Klimkin onda ilhaq etilgen Qırımda mahküm etilgen ukrain faaliyetçisi Volodımır Baluhnıñ açlıq meselesini ortağa qoymaq istey. Azatlıq Radiosınıñ bildirgenine köre, diplomatlarnıñ sammitindeki birinci tedbir – Ukraina ve Rusiye aqqında suhbet – Kanada diplomatiyasınıñ rehberi Hristâ Frilandnıñ evinde ğayrı-resmiy şekilde keçe. O, şahsen saba yemegini azırladı ve zenaatdaş nazirlerni öz aşhanesinde qabul ete. Читать дальше...
Ukraina tış işleri naziri Pavlo Klimkin «Büyük yedilik» devletleriniñ tış işleri nazirleri ile Rusiyede Ukraina mabüsleriniñ ve şu cümleden ilhaq etilgen Qırımda qanunsız olaraq mahküm etilgen ukrain faaliyetçisi Volodımır Baluhnıñ azat etilmesini muzakere etecek. Bunı nazir Twitterde yazdı. «Endi Torontodam. «Büyük yedilik» devletlerinden tış işleri nazirleriniñ körüşüvinde Rusiyede qanunsız olaraq tutulğan Ukraina vatandaşları ve şu cümleden Volodımır Baluhnıñ işi aqqında laqırdı etecekmiz. Читать дальше...
Kezlevniñ suv saasında bulunğan Doñuzlav gölünden qumnıñ kontrolsiz çıqarılması, bazı balıq çeşitleriniñ bayağı azalmasına ketirecek ve kelecekte ekologik telüke doğurmaq mümkün. Bunı «Qırım.Aqiqat TV» içün bergen izaatta Qırım ekologı Margarita Litvinenko bildirdi. Ekolog: «Balıqlar tuhumlarını suv yosunlarında taşlay bilgen saa mahv etile. Tabiiy ki, bu balıq sayısınıñ azalmasına ketire. Bu yerde göl yanında bulunğan ekotopluluq da eksilecek. Yalılarnı lay basa. Bu aqta em Qırım ilimler akademiyası... Читать дальше...
İlhaq etilgen Qırımda Rusiye telükesizlik hizmetleri ve bunıñ kibi de Donbassta «DNR» ve «LNR» gruppirovkalarınıñ uruşmacıları insan aqlarını kütleviy surette boza. Bu aqta AQŞ Devlet departamentiniñ 2017 senesiniñ neticeleri boyunca insan aqlarını qorçalav faaliyeti aqqında maruzasında aytıla. Vesiqada: «Rusiye ukümeti, Qırımda yerleştirilgen arbiy telükesizlik quvetleri üzerinde kontrolini öz qolunda tuta. Rusiye telükesizlik hizmetleri Qırım üstünde kontrolini arttırmağa ve insan aqlarını sıñırlamağa devam eteler. Читать дальше...
İlhaq etilgen Qırımda Rusiye arbiy komissariatları Rusiye arbiy oquv yurtlarına kirmek daveti ile teşviqat kampaniyasını başladı. Bunı Qırım.Aqiqat muhbiri bildire. Yarımadanıñ arbiy komissariatları, Rusiyedeki 39 arbiy oquv yurtunıñ Qırım sakinlerini oquvğa almaq azır olğanını bildireler. Bu cedveldge arbiy oquv yurtlar, institutlar ve akademiyalar kire. Bunıñnen birlikte, Râzan aliy ava desantı komandanları oquv yurtu, Qırım sakinleri içün reklamalarda teklif etilgen arbiy oquv muessiseleri arasında brinci yerde tura. Читать дальше...