İlhaq etilgen Qırımda Rusiye arbiyleri, arbiy tehnikanıñ sergisini teşkil etip, «Triumf» S-400 avadan mudafaa sistemasını (AMS) ve «Pantsir S-1» uçaqlarğa qarşı raketa-top kompleksini sergilediler. Bunı aprel 7-de Rusiye Mudafaa nazirliginiñ matbuat hizmeti bildire. Bildirüvde: «Tedbirni Cenübiy arbiy okrugnıñ AMS birleşmesiniñ komandanları keçire. Birleşme Qırım ve Aqyarda yerleştirilgen. Onıñ arbiy hadimleri S-400 komplekslerde ülkeniñ arbiy sıñırlarını qorçalav boyunca arbiy nevbet vazifelerini becereler», – denile. Читать дальше...
Suriye ukümet ordusı ve onıñ ittifaqdaşları Şarqiy Gutadaki Duma şeeriniñ topqa tutuluvı ve avia darbeleriniñ intensivligini arttıralar, dep bildire aq-uquq qorçalayıcıları. Büyük Britaniyada bulunğan Suriyeniñ insan aqları boyunca observatoriyası aprel 7-de, gece yarısından başlap, Suriye ve Rusiye uçaqlarınıñ şeerge qarşı eñ azından 30 darbe endirgenlerini bildirdi. Aq-uquq qorçalayıcılarınıñ malümatına köre, helikopterler kün devamında Dumağa eñ azından patlayıcı madde ile tolu 25 konteynerni tüşürdiler. Читать дальше...
Ukraina Tış işleri naziri Pavlo Klimkin, Ukraina prezidenti Petro Poroşenkoniñ Almaniya kantsleri Angela Merkel ile muzakereleri esnasında Qırım deokkupatsiyası meselesini ortağa qoyacağını bekley. Bunı Klimkin bunıñ arfesinde «İnter» telekanalınıñ efirinde, eki devlet liderleriniñ planlaştırılğan körüşüvinden neler beklegeni aqqında aytqanda bildirdi. Onıñ sözlerine köre, Qırım munasebeti ile nevbetteki sefer, bıltır sanktsiyalarğa rağmen yarımadağa kirsetilgen Siemens turbinaları ile vaziyetni muzakere etmek kerekler. Читать дальше...
Ukraina prezidenti Petro Poroşenko, Fransanıñ Milliy meclisindeki «Fransa-Ukraina» dostluq gruppasınıñ reisi Valeriya For-Muntân başlığında fransız parlamentarlarını «Qırımda işğalci ukümet ile er türlü alâqalarğa yol bermemege» davet etti. Bunı aprel 6-da Ukraina devleti başlığınıñ matbuat hizmeti Poroşenkonıñ fransız parlamentarları ile körüşüvi neticesi boyunca bildirdi. Bildirüvde: «Prezident parlamentarnı Qırımda işğalci ukümet ile er türlü alâqalarğa yol bermemek içün öz noqtai-nazarlarını faal surette ifade etmege davet etti»... Читать дальше...
Mahkemeden evelki tahqiqat esnasında Qırım Muhtar Cumhuriyeti prokuraturası Kremlniñ kontroli altında olğan Kezlev şeer şurasınıñ deputatı Sergey Osminkinniñ areketlerine berilgen haysiyetni deñiştirmek mumkün. Bunı Qırım.Aqiqat Radiosı efirinde QMC prokuraturasındaki Cinaiy işniñ alıp barılması boyunca nezaret idaresiniñ rehberi İgor Ponoçovnıy bildirdi. Ponoçovnıy: «Bu (anayasa qurumınıñ zornen deñiştirilmesi ya da devletteki akimiyetniñ zapt etilmesine doğrultılğan areketler – QA) soñ şekildeki haysiyet degil. Читать дальше...
