Yaltada Nikita nebatat bağçasınıñ kollektsiyasından çiçeklerniñ ananeviy sergisi açıldı. Kelgenlerde, sergi meydançığında nebatat bağçasınıñ kollektsiyasından türlü güllev seviyesinde olğan 73 biñ lâleni körmek imkânı bar edi. Qırım.Aqiqat muhbiriniñ bildirgenine köre, keçken yıllardan farqlı olaraq, tedbirniñ bu senedeki tantanalı qısmı daa sade şekilde, muzıkalı temaşa olmadan keçti. Ananeviy olğan şeer ve qasaba rehberleriniñ selâmlav nutuqları da olmadı. Bu yıl kiriş biletiniñ fiyatı 100 ruble (qararnen 41 hrivnanı – QA). Читать дальше...
Zakarpattâ vilayeti devlet memuriyetiniñ reisi Gennadiy Moskal «marginal cail»dir. Bunı Azatlıq Radiosına Qırımtatar Milliy Meclisiniñ reisi, Ukraina halq deputatı Refat Çubarov bildirdi. Böyle etip o, «qırımtatarlar birlikte olğan olsa, Rusiye özüniñ «yeşil adamçıqlar»ınen beraber Qırımğa ucüm etmez edi» dep öz fikrini ifade etken Zakarpattâ başlığınıñ sözlerini izaladı. Çubarov: «Belli bir saalarda professional olıp, diger saalarnıñ ekseriyetinde «marginal cail»den başqa bir şey olmağan insanlar bar», – dedi. Читать дальше...
Rusiyeniñ Rostov-na-Donu şeerinde bulunğan Şimaliy Kavkaz okrugınıñ arbiy mahkemesinde Yaltadaki «Hizb ut-Tahrir işi» boyunca oturışuvda aprel 13-te qabaatlav şaatınıñ sorğulanması devam etti. «Qırım birdemligi» cemiyet birleşmesiniñ Facebookta bildirgenine köre, Qırım advokatları oturışuvda Aqmescitten videokonferentsiya alâqası vastasınen iştirak ettiler. Oturışuvnıñ başında advokatlar ve qabaatlanğanlardan biri, gizli tutulğan şaatnıñ mahkeme zalında sorğulanmasına dair muracaat berdiler. Advokat Edem Semedlâyev... Читать дальше...
Nikita nebatat bağçasınıñ sergisinde 73 biñ lâle taqdim etildi
Nikita nebatat bağçası kollektsiyasından çiçeklerniñ sergisi endi on birinci kere açıldı
Telegramnıñ tesis eticisi Pavel Durov, Roskomnadzornıñ (Alâqa, informatsion tehnologiyalar ve kütleviy kommunikatsiyalar saasında nezaret boyunca federal hizmetniñ) talabı üzerine messencerniñ blok etilmesi neticelerini izalarken, gizlilik satılmay, insan aqları ise qorqu ve açközlük sebebinden telükege oğratılmamalı, dedi. Durov: «Yerli ukümet organlarınıñ İT şirketleri üstündeki akimiyeti parağa esaslana. Ukümet, öz bazarlarından kelgen kelir ceryanlarını blok etecegi ile qorquzıp ve şirketlernı hucur işler yapmağa mecbur etip... Читать дальше...
Rusiye Federatsiya Şurasınıñ devlet suverenitetini qorçalav boyunca komissiyasında maruza azırlandı. Onda, vesiqanı azırlağanlarnıñ fikrine köre, mart ayında prezident saylavına tesir etmege tırışqan kütleviy haber vastaları bildirildi. Maruzağa binaen, Azatlıq Radiosınıñ Krım.Realiyi leyhası bu cedvelge kirdi. Komissiyanıñ reisi Andrey Klimov «RİA Novosti» agentligine, Azatlıq Radiosınıñ rus hizmeti ve onıñ Krım.Realiyi, Kavkaz.Realiyi, Sibir.Realiyi ve İdel.Realiyi leyhaları; «Golos Ameriki»... Читать дальше...
Ukraina Telükesizlik hizmetinde (SBU), Rusiyeniñ 2018 senesiniñ küzünde Ukraina territoriyasına ordusını kirsetmek içün sebepler yaratmaq planları aqqında malümat bar. Bunı aprel 13-te Kyivde SBU reisiniñ muavini Viktor Kononenko bildirdi. Onıñ aytqanına köre, Rusiye ukümeti, rus tilini qorçalamaq maqsadınen teşkil etilecek tedbirlerniñ iştirakçilerini urmaq içün cinayetçiler ve «tituşkalar»nı celp etmekni planlaştıralar. «Tedbir artıq küzge planlaştırıla. Lâkin biz bu planlarnıñ ömürge keçirilmesine yol bermeycekmiz», – dedi Kononenko. Читать дальше...
Aprel 13-te Kyivdeki telükesizlik forumında Milliy telükesizlik ve mudafaa şurasınıñ (SNBO) kâtibi Aleksandr Turçinov, Rusiyeniñ ilhaq etilgen Qırımda ve Donbassnıñ Ukrainanıñ kontroli altında olmağan qısımlarında küçlü bir arbiy potentsial azırlağanını bildirdi, dep yaza Ukrainanıñ kütleviy haber vastaları. Şu cümleden, Qırımda bugün küçlü bir arbiy potentsial yerleştirildi. Anda Qara deñiz flotu ve Rusiye Ava quvetleri diviziyanıñ diger qısımları ile birlikte 22-nci askeriy korpus buluna. Askerlerniñ umumiy sayısı 30 biñ kişini teşkil ete.
Muslim Aliyev – «Yaltadaki Hizb ut-Tahrir işi» adınen bilingen mahkeme işiniñ altı figurantlarından biri. O, 2016 senesiniñ fevralinde tevqif etildi. Evde onı ömür arqadaşı Naciye ve dört balası bekley. Büyük qızı Gülsüm babası tevqif etilgende mektepni bitirip, universitetke kirmege azırlana edi. Şimdi o, 21 yaşında. O, «Qırım birdemligi» teşebbüsiniñ faaliyetçilerinden biri. Gülsüm, aliy malümat almağa öyle de barmadı. Cemiyet işi genç qıznıñ aman-aman bütün boş vaqtını ala. Esas faaliyeti, mahkeme... Читать дальше...
Telegram messenceri Rusiye territoriyasında blok etildi. Böyle qararnı Moskvadaki Taganskiy rayon mahkemesiniñ akemi Yuliya Smolina çıqardı. Oturışuv aprel 13-te 20 daqqa devam etti. Mahkemede Rusiye FSBsiniñ vekili Yuliya Kostina bulundı. Mart ayında Yuqarı mahkemede o, «informatsiya, yazışma sırı ile elektron mesajlar sırını teşkil etken malümat degildir», degen edi. Telegramnıñ vekilleri oturışuvğa kelmedi. Oturışuv esnasında akem Smolina, Telegram qorçalavı tarafından berilgen, işniñ baqılmasını soñuna qaldırmaq muracaatını red etti. Читать дальше...
Ukraina ukümetine Rusiye ile Azav deñizi aqqında añlaşmanı ğayrıdan baqıp çıqmaq kerek, çünki o, Ukrainanı deñizniñ suv meydanından sıqıştırıp çıqarmağa tırışa. Bunı Ukrainanıñ siyasiy eksperti Vasiliy Laptiyçuk Qırım.Aqiqat Radiosı efirinde, qanun bozğan «Nord» Keriç gemisi boyunca devam etken davanı izalağanda bildirdi. Ekspert: «Ukraina ile Rusiye arasındaki 2003 senesi 24 tarihlı añlaşma boyunca Azav deñizi, tarihiy iç suvları olaraq kösterildi, lâkin onıñ içinde kimge ne ait olğanı öyle de tayin etilmedi. Читать дальше...
Aqmescitte aprel 13-te mahkeme prokuror ile tahqiqatçınıñ kelmegeni sebebinden tahqiqatnıñ Timur Şaymardanovnıñ ğayıp olmasına dair areketleri aqqında iş boyunca oturışuvnı başqa künge keçirdi. Bunı Qırım.Aqiqat muhbiri bildire. Muhbirniñ malümatına köre, oturışuv aprel 19, saat 10:00-ğa keçirildi. 2014 senesi mayısnıñ soñunda Aqmescitte, yarımadanıñ arbiy istilâsına qarşı narazılıq tedbirleriniñ faal iştirakçileri Timur Şaymardanov ve Seyran Zinedinov habersiz ğayıp oldılar. Olarnıñ ğayıp oluvı vaqiası boyunca em Qırımda... Читать дальше...
Avanıñ birden qızması Qırım paytahtınıñ parkları ve skverlerinde saçılğan yeşil ösümliklerniñ faal güllemesine ketirdi
İçki içmek ve küfür söylemek mumkün olmağan batalyon. Böyle qaidelerni «Qırım» göñülliler qısmında komandan İsa Akayev tatbiq etti. Saur-mogilağa ucüm etken ve ondan soñ Mariupolni qorçalağanlar, onıñ askerleri edi. Ne içün dindar musulmanlar qoluna silâ alıp, Donbasstaki cenkke ketti? Ve şimdi, qırımtatarlarnıñ qısmı arbiy areketler zonasından çıqqan soñ İsa Akayev nasıl yaşay? – Qırım.Aqiqatnıñ süjetinde baqıñız.
AQŞ devlet kâtibi vazifesine namzet olğan CIA mudiri Mayk Pompeo, Rusiye tarafından Qırımnıñ ilhaqını tanımaycağını bildirdi. Pompeo, Senattaki diñlemeler esnasında: «Bunıñ olmaması içün dögüşecem. Bu prezidentniñ qararıdır, lâkin ebet, bu, asla qabul etilmez adım olur edi», – dedi. Ukrainağa öldürici silânıñ berilmesine qol tutasızmı, degen sualge memur musbet cevap berdi ve, Moskva Minsk añlaşmalarınıñ ukümlerini yerine ketirmegence ve tecavuzını toqtamağance, Ukrainadaki tecavuzı içün Rusiyege... Читать дальше...
