Мәскәүдә яшәүче хатын-кыз улын үтертергә дип кеше яллаган. Ананы тоткарладылар, дип хәбәр итә Россия Тикшерү комитетының башкала бүлеге. Ул җинаятькә иптәш хатыны белән әзерләнгән, улын үтерткәч, мираска калган фатирны икәүләшеп бүлешергә җыенганнар.
Башта бу ике хатын-кыз үтерүче эзли, уртак танышларыннан кеше үтерүче табып бирүен сорыйлар. 2023 елның 6 декабреннән 2024 елның 22 гыйнварына кадәр сөйләшүләр алып барыла. Үтерүче табарга тиешле танышларына миллион сум бирергә ышандыралар. Ана үләргә тиешле улы турында мәгълүматлар, адресы һәм фотосын биргән.
«Хатын-кызлар корбанны утлы корал кулланып үтерүне сораган. Әмма ир-ат җинаять кылмаска була һәм хокук саклау органнарына мөрәҗәгать иткән», – дип сөйләгәннәр ведомствода.
Полиция хезмәтәрләре белән бергә эш итеп, «үтерүче» хатын-кызларга башкарылган эше турында ялган дәлилләр күрсәткән.
Нәтиҗәдә, баласын үтертергә җыенган ана белән аның иптәш хатынын тоткарлаганнар. Якын арада Тикшерү комитеты хатын-кызларны тикшерү изоляторына урнаштыру турында мөрәҗәгать язачак.
