Новости за 08.03.2024

Илназ Гарипов өйләнде дип хәбәр иткән иде. «Татарлар дөньясы» төркеме яшьләрнең никахыннан видео куйган. Иң кызыгы – никахта катнашучыларның репликалары. Хәзрәт «риза булып алдыңмы?» дип сораганга Илназ уңай җавап биргәч, кунакларның берсе: «Наконец-то!» дип кычкыра.

Мәскәүдә лалә чәчәкләре партиясен урларга маташкан ир-атны тоткарлаганнар. Бу турыда «Вести» каналы хәбәр итте.

Гөлназ Асаевага кайчандыр үзе ярдәм иткән кешеләр ярдәм итүдән баш тарткан. Бу факт җырчының кәефен төшергән, дөньяга күзләрен ачкан. Гөлназ үзенең сторисларында моннан ары бушка берни дә эшләмәчәге хакында сөйли.

Илсөя Бәдретдинова «Яшьлегем капкалары» җырының премьерасын тәкъдим итте. Халык Фәнис Җиһанша белән төшерелгән видеокадрлардан соң яңа җырны көтеп алса, хәзер инде клип дип түземсезлек белдерә.

«Гаилә» мәчете имам хатыйбы Рөстәм хәзрәт Хәйруллин «Татарстан – Яңа гасыр» телеканалында «Сөйләшергә вакыт» тапшыруында кунак булды.

8 Март көнне чәчәк бәяләренең кисәк артуы – ел саен күзәтелә торган күренеш. Дума депутаты Әмир Хәмитов ирләрнең хәлен җиңеләйтергә – чәчәк бәяләрен дәүләт контроленә алырга тәкъдим итә. Бәяләрне бик нык арттыручыларга җинаять җаваплылыгы кертергә кирәк, ди ул.

Башкортстанның Бүздәк районы Батырша-Кыбау авылы кызы Айгөл контракт буенча махсус операциягә киткән.

Зөмәррә Халитова белән «Искусство жить» мәдәният-мәгърифәт үзәгендә таныштым. Аны кем дип таныштырсам, дөресрәк булыр икән? Журналист, тәрҗемәче, рәссам... гомумән, күп төрле һөнәрләр иясе, әмма беренче чиратта ул – ана. Күренекле архитектор Нияз Халитовның әнисе – 97 яшьлек Зөмәррә Халитова улы турында китап яза. «Искусство жить» мәдәният-мәгърифәт үзәгендә ул үзенең тормышы, күренекле танышлары турында һәм башка күп кызыклы әйберләр сөйләде. Әлеге язма – Зөмәррә ханым сөйләгәннәрдән өземтәләр.

9 мартта Татарстанда аязучан-болытлы һава торышы була. Бераз кар явачак. Көньяк-көнбатыштан, төньяк-көнбатыштан 5-10 метр тизлектә җил. Төнлә һава температурасы -6..-11˚, аязганда -16˚, көндез -1..-6˚ градус. Юлларда бозлавык.

Бүген, 8 мартта, балкар халкын депортацияләүгә 80 ел булды. Шул уңайдан, Кабарда-Балкар республикасы башлыгы Казбек Коков халыкка мөрәҗәгать белән чыкты. Республиканың башкаласында, башка торак пунктларында исә алу чаралары уза.

ВТБ 8 март бүләкләре турында сораштыру уздырган. Сораштыруда катнашучыларның яртысы сюрприз көтүен, ә 30 проценты бүләкнең акчалата булуын теләвен әйткән – «яраткан әйберемне үзем алам», дигән. 27 процент гадәти букет, 21 проценты сертификат көтүен әйткән (берничә җавап сайлап алырга була). Ә 5 процент хатын-кыз бүләк көтмәвен белдергән.

Бүген язның иң күркәм бәйрәме – Халыкара хатын-кызлар көне. 8 Март ул, беренче чиратта, якын кешеләребез – әниләребезне кадерли, аларга яратуыбызны белдерә торган бәйрәм дә. Шул уңайдан «Интертат» татар эстрадасындагы популяр җырчыларның әниләре белән сөйләште.

– Ашарга кил! Ашың суына, – дип, әтисе улын чакырды.

– Хәзер, – дигән тавышы ишетелде смартфоныннан аерылмыйча утырган улының.

– Тәрбияле кеше үзен озак көттерми, – дип куйды әтисе. – Ашар алдыннан кулыңны юарга онытма. Культурасыз кешеләргә ошарсың…

Өстәл артына утыргач, әтисе:

– Тәмле булсын! – диде. – Сиңа да тәмле булсын, әти! – дип җавап бирде улы.

– Менә шулай дөрес, тәрбияле балалар һәрвакыт шулай әйтергә тиешләр.

Улы кашыгын иреннәренә тигезергә өлгермәде... Читать дальше...

Дәүләт Думасы депутаты Виталий Милонов ир-атлар сөйгәннәренә 8 Мартка бүләк итә алырдай иң яхшы бүләкне әйткән. Депутат фикеренчә, хатын-кызга бәйрәмгә иң яхшы бүләк – йөклелек. Бу хакта ул «Говорит Москва» радиосы эфирында әйткән, дип яза «Газета.Ru» сайты.

Татарстанның Дәүләт киңәшчесе Минтимер Шәймиев 8 Март – Халыкара хатын-кызлар көне белән котлады.

Татарстан Республикасы Рәисе Рөстәм Миңнеханов 8 Март – Халыкара хатын-кызлар көне белән тәбрикләде.

Чаллыда бала тудырганнан соң үлгән укытучы Алена Мөхәммәтованың улы Ранельгә 6 мартта 1 яшь тулды. Бу турыда «Челнинские известия» хәбәрчесе Ләлә Гайфетдинова яза.

Филүс Каһиров үзенең концертларында Салават Фәтхетдиновка пародия күрсәтә:

«Бәхетле гаилә – ул ...» – Санкт-Петербургта «Психологическая газета»ның 10нчы кышкы фестивале шулай дип атала. Анда КФУның Чаллы институты укытучысы, психология фәннәре кандидаты Люция Чукмарова катнашты. Ул психологлар чыгарган гаилә бәхете формуласы турында сөйләде.