Uy-joy narxlari keskin oshishi tufayli aholining xarid qobiliyati pasayib, ko‘chmas mulkning bozor va fundamental narxlari o‘rtasidagi tafovut 24 foizga yetdi, deya qayd etdi Markaziy bank. Kvartiralar asosiy ehtiyojlarni qondirish uchun emas, balki investitsiya obyekti sifatida ko‘proq sotib olina boshlagan.
O‘zbekistonlik Damir Musayev AQShning Yel universitetida genetika yo‘nalishi bo‘yicha nomzodlik dissertatsiyasini himoya qilib, fan doktori bo‘ldi. Uning tadqiqotlari genetik kasalliklarni davolashning yangi usullarini topishga qaratilgan.
Atom energetikasini rivojlantirish agentligi negizida Atom energiyasi agentligi tashkil etilmoqda, u Energetika vazirligidan Vazirlar Mahkamasiga o‘tadi. Agentlik kompaniyalar bilan to‘g‘ridan-to‘g‘ri shartnomalar tuzish, xo‘jalik jamiyatlari tashkil etish, iqtisodiyotdagi loyihalarni moliyalashtirish huquqini oladi.
26−27-may kunlari Toshkentning ayrim ko‘chalarida transport harakati cheklanadi. Haydovchilarga shu kunlarda poytaxtga kelmaslik tavsiya etilmoqda. Avtomobillar harakati cheklanishi rejalashtirilgan ko‘chalar ro‘yxati keltirilmadi.
Kongratbay Sharipov, Surayyo Rahmonova, Marko Mantovanelli, Nafisa Mo‘minova, Timoti Smart, Firuz Allayev, Bekzod Mirahmedov kabi jamoatchilik faollari “Gazeta.uz” orqali 2023/2024 o‘quv yili bitiruvchilariga o‘z maslahatlari va tilaklarini bildirdi.
Yangi o‘quv yilidan OTMlarda davlat granti ijtimoiy-rag‘batlantiruvchi va ta’lim granti sifatida ajratiladi. Ta’lim granti faqat birinchi yil uchun beriladi, keyinchalik yuqori reytingga ega talabalar o‘rtasida taqsimlanadi. Grantda o‘qiganlarning 3 yilgacha ishlab berish majburiyati bekor qilinadi.
Iqtisodchi Botir Qobilov AQShdagi Garvard biznes maktabida doktorlik darajasini olgan birinchi o‘zbekistonlik bo‘ldi. “Gazeta.uz” kolumnisti sifatida u iqtisodiyot, ekologiya va boshqa ijtimoiy ahamiyatga ega mavzularda 10 dan ortiq maqolalar yozgan.
Sharof Rashidov tumanida Lacetti avtobus bilan to‘qnashishi oqibatida 2 kishi jarohat olib, shifoxonaga yotqizildi. Yengil mashinaning 21 yoshli yo‘lovchisi voqea joyida vafot etdi. Jizzax viloyati IIB fuqarolar tarmoqlarda aytilgani kabi maktab bitiruvchilari emasligi, ular to‘yga ketayotgan bo‘lganini bildirdi.
2024−2025 o‘quv yilidan davlat oliy va professional ta’lim muassasalariga kirish imtihonlarida “avval test, so‘ng tanlov” tamoyili kuchga kiradi. Abituriyentlar to‘plagan balidan kelib chiqib, o‘z tanloviga ko‘ra ta’lim muassasasini tanlaydi. Bakalavriatga qabul ikki bosqichda amalga oshiriladi. Batafsil.
2024−2025 o‘quv yilidan davlat buyurtmasi parametrlarini davlat OTMlari kesimida taqsimlash amaliyoti bekor qilinadi. Parametrlar bakalavriat ta’lim yo‘nalishlari va magistratura mutaxassisliklari bo‘yicha kunduzgi ta’lim shaklida tasdiqlanadi.
Karmana tumanidagi 30-maktabning 6-sinf o‘quvchisi cho‘kib ketib vafot etdi. Holat bo‘yicha surishtiruv ishlari olib borilmoqda.
Yakkasaroy tumanida yangi qurilayotgan turar joy chuqurida payvandlash ishlarini olib borayotgan ishchini tuproq bosib qoldi. FVV qutqaruvchilari uning hayotini saqlab qoldi.