Aksioni i Qeverisë së Kosovës për mbylljen e komunave paralele të Serbisë ka shkaktuar dëshpërim dhe shqetësim te serbët e Kosovës. Në fshatin e Osojanit, në Istog, dhe në atë të Gorazhdecit, në Pejë, ku shumica janë serbë, thonë se në këto komuna paralele nuk ka pasur kurrë aktivitete ilegale, por vetëm shërbime në ndihmë të qytetarëve.
Një mjek, serb i Bosnjës, ka fshehur eshtrat e viktimave të Srebrenicës në oborrin e tij, pasi i ka përdorur ato “për t’u përgatitur për operacione”. Njerëzit në Bërçko, ku punon mjeku Nebojsha Mraoviq, janë shprehur të tronditur. Por, kur Radio Evropa e Lirë ka telefonuar zyrën e tij, ai ishte ende duke punuar atje. (Përgatiti: Trim Haliti)
