Qindra mijëra protestues u grumbulluan të enjten, më 13 prill, në qytete të ndryshme të Francës për ta kundërshtuar planin e presidentit të Francës, Emmanuel Macron, për ta rritur moshën e nevojshme për dalje në pension në 64 vjeç. Kjo reformë e propozuar nga Macroni ka hasur në shumë kundërshtime në mesin e shtetasve francezë, të cilët tani janë në pritje të vendimit përfundimtar që do të tregojë nëse kjo reformë përmbush standardet kushtetuese. Protestuesit shënjestruan zyrat e Bankës Qendrore... Читать дальше...
“Si mund të kem [besim në Policinë e Kosovës] kur ata qëllojnë, arrestojnë njerëz... Si mund të kem besim tek ata?”. Kjo ishte përgjigjja e Jovan Aleksiqit, qytetar serb nga Mitrovica e Veriut kur u pyet nga Radio Evropa e Lirë nëse ai i besonte Policisë së Kosovës pas incidentit të 11 prillit kur një zyrtar policor i Kosovës plagosi Milan Jovanoviqin, derisa siç u tha, ai dyshohet se nuk u ndal në një pikë kontrolli. Jovanoviq u plagos në rrugën magjistrale Mitrovicë - Leposaviq. Për këtë rast u arrestuan katër zyrtarë policorë... Читать дальше...
Gjendja shëndetësore e liderit të burgosur opozitar rus, Aleksei Navalny, është përkeqësuar ndjeshëm pas asaj që zëdhënësja e tij, Kira Yarmysh, e quajti “trajtim” të dyshimtë nga personeli mjekësor i burgut për dhimbjet e stomakut që Navalny i kishte gjatë izolimit ndëshkues në burg. Në një deklaratë të publikuar në Twitter, zëdhënësja e Navalnyt tha se, më 7 prill, një ambulancë u thirr vonë natën në kampin e punës ku kritiku i Kremlinit është i burgosur, pasi ai kishte dhimbje të mëdha në stomak. Читать дальше...
Presidenti i Shqipërisë, Bajram Begaj, bëri thirrje për një fushatë zgjedhore të qetë dhe larg fenomeneve negative që u vërejtën në zgjedhjet e kaluara, pas një takimi me përfaqësues të institucioneve dhe organizata që do të organizojnë dhe monitorojnë procesin zgjedhor. Ky takim – ku ishin të pranishëm edhe përfaqësues të ambasadës së SHBA-së, zyrës së BE-së dhe kryesuesja e misionit të OSBE/ODIHR, Audrey Glover – u zhvillua një ditë para hapjes së fushatës për zgjedhjet lokale që do të zhvillohen në Shqipëri më 14 maj. Читать дальше...
Zyra e Rregullatorit të Energjisë (ZRRE) ka bërë të ditur se është në proces të vlerësimit të vendimit të Gjykatës Supreme të Kosovës, që konstatoi se konsumatorët mund të kërkojnë të kompensohen për rrymën e paguar për veriun. Zëdhënësi i ZRRE-së, Petrit Pepaj, ka thënë për REL-in se aktgjykimi i Gjykatës Supreme i ishte dërguar ZRRE-së më 3 prill dhe se “në përputhje me dispozitat ligjore në fuqi do të ndërmarrë veprimet e nevojshme”. Gjykata Supreme më 13 prill e ka refuzuar kërkesën për rishqyrtim... Читать дальше...
Qeveria e Maqedonisë së Veriut ka thënë se do ta ndalojë përdorimin e antivirusit të prodhimit rus, Kaspersky, kur të miratohet ndonjë masë specifike apo të ndalohet përdorimi i tij nga Bashkimi Evropian, ndërsa shtoi se Maqedonia e Veriut i zbaton të gjitha masat kufizuese në lidhje me Rusinë. Më parë, Radio Evropa e Lirë ka raportuar se softueri rus përdoret në institucione shtetërore, megjithëse është në "listën e zezë" në shumë vende. Sipas të dhënave nga Byroja e Prokurimeve Publike të Maqedonisë së Veriut... Читать дальше...
Presidenti i Serbisë, Aleksandar Vuçiq, pas takimit në Rashkë me përfaqësuesit e serbëve të Kosovës, tha se parakusht për kthimin e serbëve në institucionet e Kosovës është themelimi i Asociacionit të komunave me shumicë serbe. Duke paraqitur pesë konkluzat e takimit, Vuçiq tha se Asociacioni duhet të formohet “ekskluzivisht në përputhje me marrëveshjet e arritura në Bruksel”. Kosova dhe Serbia kanë arritur dy marrëveshje për Asociacionin, më 2013 dhe 2015. Marrëveshjen e fundit, Gjykata Kushtetuese... Читать дальше...
Kryetari i subjektit opozitar, Aleanca për Ardhmërinë e Kosovës, Ramush Haradinaj, tha se institucionet e Kosovës duhet të marrin vendim që të shtyjnë zgjedhjet e jashtëzakonshme në katër komunat në veri të Kosovës. Gjatë një fjalimi në Kuvendin e Kosovës, Haradinaj tha se gjendja në veri të Kosovës nuk garanton që zgjedhjet e parapara për 23 prill të sjellin sukses. “Unë i bëj thirrje Qeverisë, presidentes, institucioneve të vendit që ta marrin me seriozitet gjendjen në veri dhe ta marrin një vendim për këtë situatë. Читать дальше...
Irani ka varur 75 për qind më shumë njerëz më 2022 sesa vitet paraprake, thanë dy organizata për të drejtat e njeriut, duke dënuar “makinerinë e ekzekutimeve” që synon të përhapë frikë në shtetin që është mbërthyer nga protestat. Sipas organizatave, të paktën 582 ekzekutime janë kryer vitin e kaluar, që është shifra më e lartë e regjistruar që nga viti 2015. Më 2021, ky shtet kishte ekzekutuar 333 persona, thanë organizatat Iran Human Rights (IHR) – me seli në Norvegji – dhe Together Against the Death Penalty (ECPM), me seli në Francë. Читать дальше...
Koreja e Veriut ka lëshuar një raketë, që mund të jetë një model i ri i raketave balistike, tha Koreja e Jugut. Raketa fluturoi rreth 1.000 kilometra, tha ushtria e Koresë së Jugut më 13 prill, duke e cilësuar këtë veprim si “provokim të madh”. Lartësia në të cilën fluturoi raketa nuk është bërë publike, edhe pse agjencia jugkoreane e lajmeve, Yonhap, tha se dukej se raketa fluturoi më pak se 3.000 kilometra. Kjo është lartësi më e ulët sesa testimet e kryera vitin e kaluar, që arritën deri në... Читать дальше...
Dhjetë ditë para mbajtjes së zgjedhjeve të jashtëzakonshme në katër komunat e banuara me shumicë serbe në veri të Kosovës, Komisioni Qendror i Zgjedhjeve (KQZ) ende nuk ka miratuar listën e qendrave të votimit. Deri më tani është votuar në shkolla, por këtë herë shanset për këtë janë pothuajse joekzistente sepse ato kontrollohen nga sistemi serb në veri, i cili i kundërshton zgjedhjet. Qendrat alternative si dhe stacionet policore po ashtu janë përmendur si vende të mundshme që mund të shndërrohen në qendra të votimit. Читать дальше...
