Сузакта 30дай бала жабыркаган кырсыктын чоо-жайын териштирүү үчүн комиссия түзүлдү. Ушул тапта 12 окуучу ооруканада жатат. Дарыгерлер алардын бешөөнүн абалын оор деп баалашууда. Жабыркагандар 9-16 жаштагы өспүрүмдөр. Кырсык 2-майда саат 13:30 чамасында Сузак районунун аймагындагы талаада болгон.
Кыргызстандык чабандестер Польшада соңку үч жыл катары менен ат чабыштан чемпион болуп, алдына эч кимди чыгарбай келет. Борбордук Европадагы бул өлкөдө ушул тапта 20га жакын кыргыз жигити ат спорту менен алектенет. Алар буга чейин Кыргызстанда жеңишке жетип, бирок жаш курагына байланыштуу чет өлкөлөргө кетүүгө аргасыз болгон. “Азаттык” Польшада шамал менен жарышкан кыргыз жигиттеринин талбаган эмгек менен жаралган ийгилигин көрсөтөт.
Борбордук шайлоо комиссиясы Ноокат жана Ысык-Көл бир мандаттуу шайлоо округу боюнча Жогорку Кеңештин депутаттарын мөөнөтүнөн мурда шайлоону 30-июнга дайындады. Өткөн апта соңунда өткөн дагы үч округдагы кезексиз шайлоонун расмий тыянагы жарыялана элек.
Атырау облусунун Қүлсары кааласында 3 миңге жуук жеке жер тамдардан бөлөк көп кабаттуу үйлөрдүн жертөлөсү менен биринчи кабаттарын суу каптаган. Калаадагы бир нече тургун азыр үйлөрүнө кире албай жатканын "Азаттыктын" казак кызматынын кабарчысына айтып берди.