Новости за 21.06.2018

21 июньдә Омски өлкәсе Тәвриз районында урнашкан татар авылы Тайчыда клуб һәм китапханә янып көл булды. Башта таратылган мәгълүмәткә караганда, китапханәдәге барлык китаплар янып беткән, клубтагы аппаратура һәм "Умырзая" ансамбле киеп чыгыш ясый торган концерт киемнәре дә янган. Соңрак костюмнарның исән калуы ачыкланды. “Янгын нидән чыкканы турында төгәл мәгълүмәт юк, тикшерү бара. Мөгаен, электр чыбыклары ялганышыннан чыккандыр. Майда бинаны тикшергәндә район үзәк китапханәсе хезмәткәрләре электр... Читать дальше...

Кырымтатар Нури Примовның әнисе Райме Примова Русия тарафыннан аннкесияләнгән Акъярның ФСБ идарәсенә улын иреккә чыгаруны таләп итеп гариза язган һәм Русия куәт оешмаларының гамәлләренә каршы ачлык игълан иткән. Нури Примов Русиядә тыелган "Хизб ут-Тәхрир" оешмасында катнашуда гаепләнә.

"Ачык Русия" проекты булган "Правозащита" оешмасы юристы Эльза Нисанбекованы йорты янында тоткарлаганнар.

Киров өләксендәге кырыс тәртипле колониядә 18 елга ирегеннән мәүхрүм ителгән Башкортстанның Учалы шәһәреннән 44 яшьлек Азат Һидиятов һәлак булган.

Казакъстанның журналистлар берлеге Telegram мессенджерына нигез салучы Павел Дуровны махсус премия белән бүләкләде. Бу бүләк аңа "Цензура һәм ватандашларның интернетта ирекле язышуына дәүләт тыкшынуына каршы торуы" өчен бирелде.

20 июнь Казанның филармония залында "Татар кызы - 2018" бәйгесенең Татарстан өлеше үтте. Анда көч сынашкан 11 кызның күбесе татар телен мәктәптә ихтыярига калдыру хәбәрен ишеткән. Алар Татарстан президенты булсалар, беренче итеп милләтне, телне саклап калу фәрманын чыгарачакларын әйттеләр.

21 июньдә Казан башкарма комиеты "Гадел Русия" фиркасенең Татарстандагы бүлегенә пенсиягә чыгу яшен арттыруга каршы митингка рөхсәт биргән.

21 июнь Татарстан Дәүләт шурасының җәйге яллар алдыннан соңгы утырышында милли телләрне ихтыярига калдыруны күздә тоткан канун өлгесе турында фикер алышмаска булдылар. Татарстан президенты вәкиле Лилия Галимова да бу уңайдан "безнең борчылуларны ишеттеләр" диде.

Казан журналисты, экология активисты Юлия Фәйзрахманованы полиция бүлегенә сөйләшүгә чакырганнар. Моңа кадәр ул үз намзәтен Татарстан Дәүләт шурасы депутатлыгына тәкъдим итү турында белдергән булган.

Башкорт милли хәрәкәте вәкиле Айрат Дилмөхәммәтов аның "дүртенче республикасын" татар һәм урыс халкының сәламәт өлеше яклар дип өметләнә. Башкорт телен мотлак укытуга килгәндә, Башкортстан моңа әзер түгел ди ул.