Новости за 13.06.2018

13 июнь Ялта янындагы Аутка (Чехово) авылында кырымтатар хатыны Элина Мамедованың оендә төнтү уздырганнан соң аны Ялтаның тикшерү комитеты бүлегенә алып киткәннәр.

Бөтендөнья татар иҗтимагый үзәге Татарстаннан Русия думасына сайланган депутатлар ышанычны акламады, шуңа аларны кире чакырту эшен башларга кирәк дип саный.

13 июнь төштән соң бөтен Кырымда ут бетте. Электр тәэминаты "Тамань" кече станциясендә көчәнеш сикерү нәтиҗәсендә өзелгән, өч сәгать эчендә төзәтеләчәк диелде.

Чәршәмбе Казанда узган матбугат очрашуында Татар иҗтимагый үзәгенә бинасыз калу куркынычы янавы турында билгеле булды.

14 июнь кич Казанга Казакъстан президенты Нурсолтан Назарбаев киләчәк. Икенче көнгә ул Татарстанда очрашулар уздырырга җыена.

Нидерланд парламенты Малайзия очкычы казасына катышы булуда шикләнелгән затларны җавапка тарту турында Украина белән былтыр имзаланган килешүне хуплады.

14 июнь-15 июль көннәрендә Русиядә дөнья футбол беренчелеге уза. Русия мондый чемпионатны беренче тапкыр оештыра. 64 уенның алтысы Казанда узачак. Азатлык шушы вакыйганың иң кызыклы мизгелләрен җанлы блогта теркәп бара.

Һәр бишенче мәскәүле Русиядән чыгып китәргә тели. Русия төбәкләрендә әлеге күрсәткеч өч кенә процент тәкшил итә диелә Левада үзәге сораштыруында.

АКШның күзләүгә каршы һәм иминлек дәүләт үзәге башлыгы Уильям Эванина Русиягә дөнья футбол чемпионатына баручыларга үзләре белән электрон җиһазлар алмаска киңәш итә. Аларга хакерлар яки Русия хөкүмәте керә алырга мөмкин ди Эванина.

20 ел эчендә Русия Европа кеше хокуклары мәхкәмәсе карары белән үз ватандашларына 200 миллион евро тирәсе компенсация түләгән.

12 июнь көнне Казанда туган телләрне укытуга багышланган түгәрәк өстәл узды. Чарада Мәскәү вәкиле Ольга Артеменко телләр белән килеп туган вазгыятьтә Татарстанны гаепләде, ә урыс телле активистлар татар теленә генә түгел, урыс теленә дә каршы икәнлеген күрсәтте.