Ўзбекистонлик дзюдочилар Осиё чемпионатида 14 та медални қўлга киритишди

Бугун Таландда дзюдо бўйича ўсмирлар ва ёшлар ўртасида Осиё чемпионати ўз якунига етди, дея хабар бермоқда Спортни ривожлантириш вазирлиги.

Маълум қилинишича, мусобақанинг сўнгги икки куни ёшлар жами 14 та вазн тоифасида ғолиблик учун татамига чиқишди. Бугунги беллашувлар оғир вазн тоифаларида кечди ва унда Ўзбекистон терма жамоаси 2 та олтин, 1 та кумуш, 5 та бронза медалига эга чиқди.

Қитъа чемпионати якунида эса Камол Муродов ва Искандар Расулов мураббийлигидаги ўзбекистонлик дзюдочилар 5 та олтин, 1 та кумуш, 8 та бронза медали билан умумжамоа ҳисобида 15 давлат орасида иккинчи ўринни эгаллашди.

«Жанубий Корея терма жамоаси 6 та олтин, 1 та кумуш, 6 та бронза медали билан бу борада биринчи бўлишди. Кучли учликка 2 та олтин, 7 та кумуш ва 6 та бронза медали билан Қозоғистон терма жамоаси якун ясаб берди»,-дейилади вазирлик хабарида.

Қуйида шоҳсупага кўтарилганлар билан танишинг:

Олтин медаль:

-48 кг: Ҳалимажон Қурбонова,

-66 кг: Азизбек Ортиқов,

-57 кг: Шукуржон Аминова,

-90 кг: Жаҳонгир Маматраҳимов,

+100 кг: Исломбек Равшанқулов.

Кумуш медаль:

+100 кг: Ўткирбек Тўрабоев.

Бронза медаль:

-52 кг: Умида Жуманиёзова,

-63 кг: Фарангиз Режепова,

-70 кг: Шаҳло Эгамберганова,

-78 кг: Ирисхон Қурбонбоева,

+78 кг: Моҳинур Пармонова,

-73 кг: Ҳожиакбар Тошев,

-81 кг: Нурбек Муртазоев,

-100 кг: Муҳаммадқодир Мансуров.