Anthropic инвесторларни ноқонуний акциялар савдосидан огоҳлантирди
Сунъий интеллект соҳасидаги компаниялар акцияларига бўлган талаб ортиб бораётган бир пайтда, Anthropic компанияси ўз расмий сайти орқали муҳим огоҳлантириш билан чиқди. Компания бир қатор хусусий ва иккиламчи инвестиция платформаларига ўз акцияларини сотиш ёки сотиб олиш учун рухсат бермаганини маълум қилди. Бу ҳақда Techcrunch.com хабар беради.
Хусусан, Опен Доорс Партнерс, Уникорнс Эхчанге, Пачамама Капитал, Лионҳеарт Вентурес, Ҳииве, Форге Глобал, Сйдекар ва Упмаркет каби платформалар Anthropic акциялари билан боғлиқ операцияларни амалга оширишга ваколатли эмас. Компания баёнотига кўра, ушбу фирмалар орқали амалга оширилган ҳар қандай акция олди-сотдиси ҳақиқий эмас деб топилади ва компания реестрида тан олинмайди.
Форге Глобал вакиллари эса мазкур рўйхатга хатолик туфайли киритилганини даъво қилмоқда. Компания Anthropic билан ҳамкорликда ушбу маълумотни тузатиш устида ишлаётганини ва компаниянинг розилигисиз ҳеч қандай битимлар амалга оширмаслигини таъкидлади.
Anthropic ўзининг оддий ва имтиёзли акцияларини ўтказишда қатъий чекловлар мавжудлигини эслатиб ўтди. Директорлар кенгаши томонидан маъқулланмаган ҳар қандай трансфер, шу жумладан махсус мақсадли воситалар (СПВ) орқали амалга оширилган битимлар юридик кучга эга эмас. Компания инвесторларни ноқонуний таклифлардан эҳтиёт бўлишга чақирмоқда.