"Менга паспортни 1 ҳафтада берди, хотиним эса, 6 ой кутиши керак экан. Нега?"
"Sizdan Telegram" лойиҳасида Сиздан келаётган хабарлар, фото ва видеолар ўрин олади. Telegram, WhatsApp тармоғидаги рақамларимиз: +420 724 971 539; +420 724 740 755. Электрон почтамиз: ozodlikmail@gmail.com 60 йилдан зиёд вақт мобайнида холис журналистика андазалари асосида фаолият юритаётган Озодлик радиоси, агар истасангиз, шахсингиз сир қолишини кафолатлайди. ******************************************************************************
Муҳим эслатма: "Sizdan Telegram" лойиҳасида бериладиган маълумотлар учун Озодлик таҳририяти масъул эмас!
"Менга паспортни 1 ҳафтада берди, хотиним эса, 6 ой кутиши керак экан. Нега?"
"Мен Фарғона вилоятиданман. Сурхондарё вилояти, Денов шаҳридан уйланганман. Хотиним биометрик паспорт олиш мақсадида 2016 йил ноябрь ойида янги паспортга ҳужжат топшириш учун уч марта Денов шаҳрига борди. Профилактика бўлаяпти экан, ҳозир ҳужжат қабул қилмас экан, деб қайтиб келди. Иккита ёш чақалоғимиз бор. Кенжаси бир ёшга ҳам тўлмаган ҳали.
Фарғона билан Денов шаҳри орасидаги масофа 1000 километр. Йўл кирага, яъни Деновга таксида бир марта бориб келиш учун 300 минг сўм пул кетади. Энг қизиғи ва ачинарлиси ҳужжатлар қабул қилингандан кейин янги паспортни олиш учун 6 ой кутиш керак экан. Янги паспорт олиш учун кетадиган вақти нега бунча кўп ва тушунарсиз? Мен ҳам Фарғона вилоятидан янги паспорт олиш учун ҳужжат топширдим ва 7 кунда телефонимга СМС келди "паспорт тайёр бўлди, олиб кетинг", деган. Бир ҳафтада олдим. Республикамиз битта бўлса, паспортимиз битта бўлса?!
Оилам янги паспорт олиш учун ноябрь ойида 2 марта, апрель ойида бир марта ва август ойида яна бир марта борди. Жами 8 минг километр йўл юрган борди-келдини ҳисоблаб чиқсак. Йўл ҳақи 1 миллион 200 минг сўм. Майли қийинчилик ва сарф қилинган харажатга ачинмаймиз. Лекин паспортни олиш учун қанча-қанча одамларни навбатда туришга мажбурлаган паспорт столининг ноинсоф каттасидан ранжидик".
----------------------------------------------------------------------
Илтимос, "Sizdan Telegram" лойиҳасига юбораётган хабарингизга, имкони бўлса, фото, видео ёки бошқа ҳужжатларни илова қилинг!