Татарстанда көчле җил сәбәпле шторм кисәтүе игълан ителде
27 апрельдә Татарстанда көчле җил көтелү сәбәпле шторм кисәтүе игълан ителде.
ТР Гидрометеорология һәм әйләнә-тирә мохитне күзәтү идарәсе мәгълүматларына караганда, иртәгә республика территориясендә һәм Казанда секундына 15-20 метр тизлектә көчле җил көтелә, көндез һәм кичен аның тизлеге урыны белән 26 метрга кадәр көчәя.
Гадәттән тыш хәлләр министрлыгы республика халкына агачлар, юл билгеләре, реклама щитлары һәм электр тапшыру линияләре астында тормаска киңәш итә.