Россия Президенты Рәис Миңнехановны Дуслык ордены белән бүләкләде
Россия Президенты Владимир Путин Татарстан Республикасының Саба районы башлыгы Рәис Миңнехановны Дуслык ордены белән бүләкләде. Шул хактагы указ хокукый актлар порталында урнаштырылган.
«Хезмәттә ирешкән уңышлары һәм күпьеллык намуслы хезмәте өчен», - диелә указда.
Рәис Миңнеханов Татарстанның Саба районын 2006 елдан бирле җитәкли. Авыл хуҗалыгы фәннәре кандидаты. Моннан тыш, Миңнеханов «Бөтенроссия халык санын алу» (2002) медале, Татарстан Республикасы Мактау грамотасы, «Казанның 1000 еллыгы истәлегенә» медале, «Шәфкатьлелек» алтын медале, икенче дәрәҗә «Ватан алдындагы казанышлары өчен» орден медале белән бүләкләнгән.