Казансу елгасы буенда велосипед сезоны ачыла
25 апрельдә велосипед сезоны ачылышы уңаеннан Казансу елгасы ярында «Елга буенда бергәләп «сәпиттә» йөрибезме?» чарасы үткәрелә. Бу көнне кунакларның велосипедларына техник күзәтү ясалачак, алар өчен күнекмәләр, экстрим тамаша һәм гадәти булмаган костюм бәйгесе әзерләнә. Бу хакта Казан мэриясе матбугат хезмәте хәбәр итә.
Велосипедчылар «УРАМ» экстрим-паркыннан «Казан» гаилә үзәге һәм «Миллениум» күпере аша бергәләп узачак.
Сезон ачылу кичәсенә велосипедта, роликларда, скейтбордта һәм самокатта йөрүчеләр чакырыла. Чарада 16 яшьтән зуррак балалар һәм олылар катнаша ала.
Катнашучыларны 9:30 сәгатьтә «УРАМ» экстрим-паркы янындагы сәхнә тирәсендә көтәләр. Чара 11:00 сәгатьтә башлана.
Чара «Велосипедлы Казан» бергәлеге белән бергә Казансуны үстерү стратегиясе командасы тарафыннан оештырыла.