Һиндстан Тышкы эшләр министрлыгы Модиның Казандагы БРИКС саммитында катнашачагын раслады
Һиндстан БРИКСны глобаль проблемалар хәл итү өчен мөһим мәйданчык дип саный. Бу хакта брифингта Азия иле Тышкы эшләр министрлыгы башлыгының беренче урынбасары Викрам Мисри хәбәр итте.
«Без БРИКС кысаларындагы эшчәнлегебез һәм катнашуыбызга зур әһәмият бирәбез, чөнки без аны глобаль күпполярлыкның төп гәүдәләндереше дип карыйбыз», – дип китерә аның сүзләрен ТАСС.
Мисри Һиндстан премьер-министры Нарендра Моди Казанга БРИКС саммитына киләчәген раслады.
БРИКС саммиты Казанда 22-24 октябрьдә уза.