Самараның «Заман» татар балалар фольклор ансамбле Казанда чыгыш ясады
Самара шәһәренең «Заман» татар балалар фольклор ансамбле Казанда Габдулла Тукай музеенда чыгыш ясады. Аларны Татар ресурс үзәге чакырган. Бу хакта «Самара татарлары» сайтында хәбәр ителә.
Алар Самара өлкәсе татарларының төбәк үзенчәлекләре турында сөйләде, җырлады һәм биеде.
«Илһамландырган өчен Тамара Ведерникова, костюмнар буенча куратор Гөлшат Шәмсетдинова, костюмнарны иҗат итүче Наталья Хәйруллина, бизәнү әйберләре ясаучы Ира Филатовага рәхмәт белдерәбез», диелгән хәбәрдә.