Чувашиянең Урмай авылында мөселман зиратын төзекләндерделәр
Чувашиянең борынгы Урмай авылында мөселман зиратын төзекләндерелде. Бу хакта Россия мөселманнары Диния нәзарәтенең матбугат хезмәте хәбрә итә.
Авылда өч мөселман зираты бар. Берсе инде ябык һәм некрополь булып тора, икенчесе шулай ук җирләү өчен файдаланылмый диярлек. Өченче мөселман зираты 20 гектарга якын мәйданда урнашкан. Аның кайчан ачылганы төгәл билгеле түгел.
Чувашия Республикасы мөселманнары Диния нәзарәте рәисе (Чуаш мөхтәсибәте) имам-мөхтәсиб һәм Кара Пулат мәчете имам-хатыйбы Фәнис хәзрәт Сафиуллин сүзләренчә, күпчелек каберләр сугыштан соңгы чордагы, шулай ук 19 гасыр уртасындагы һәм ахырындагы каберләр дә очрый.
Каберләрне даими чистартып торалар. Бу авылда яшәүчеләрнең уртак кайгыртуы. Кайгы вакытында авылдашка ярдәм итү - һәр кешенең бурычы. Бу көздә зират төзекләндерелде. Юлларга асфальт салдылар, бордюрлар һәм яктырткычлар куелды, инвентарьлар саклана торган бүлмәгә ут куелды, җеназа намазы өчен урын әзерләнде.
«Якынча 1 миллион сумлык эшләр башкарылды. Хәйриячеләр Фәнис Рәхимҗановка һәм Марат Җиһаншинга, шулай ук бу изге эштә ярдәм итүчеләргә Аллаһның рәхмәте булсын. Хәзер зиратка дүртенче капканы ясау һәм мәетне юу бинасын җылыту планлаштырыла», - диде Фәнис хәзрәт.