Мордовия Республикасында (I этап) һәм Түбән Новгород өлкәсендә (II этап) «Урта Идел-Сурск-Ока елгалары арасында татарлар: тарих һәм хәзерге заман» исеме астында Бөтенроссия (Идел буе) фәнни-гамәли, тарихи-туган якны өйрәнү конференциясе уза. Бу хакта Бөтендөнья татар конгрессы матбугат хезмәте хәбәр итә.
Бүген, 8 июльдә, Түбән Новгородта пленар һәм секцион утырышлар үткәрелә, Бөтенроссия фәнни-гамәли, тарихи-туган якны өйрәнү конференциясенең II этабы кысаларында уздырыла торган дүрт фәнни-гамәли конференциягә һәм чараларга нәтиҗәләр ясала.
Чара Түбән Новгород өлкәсендә I Идел буе Сабан туе, Россия Федерациясендә педагог һәм остаз елы һәм Татарстан Республикасында милли мәдәниятләр һәм традицияләр елы, Россия мөселман дин белгече Хөсәен Фәйзхановның 200 еллыгын әзерләү һәм үткәрү кысаларында үткәрелә.
Катнашучыларны Бөтендөнья татар конгрессы Милли Шура рәисенең беренче урынбасары, Бөтендөнья татар конгрессы Башкарма комитеты җитәкчесе Данис Шакиров сәламләде, диелә хәбәрдә.
Фото: © https://tatar-congress.org/
