Узган тәүлектә Татарстанда 65 кеше коронавирус йоктырган
Узган тәүлектә Татарстанда тагын 65 кеше коронавирус йоктырган. Бер көн элек республикада ковид йоктыруның 68 очрагы, ә 19 гыйнварда 69 очрагы теркәлгән.
Татарстанда 29 кеше хастаханәгә китерелгән, тагын 23 кеше бу чирдән савыккан. Бу хакта стопкоронавирус.рф. порталында хәбәр ителә.
Шулай итеп, пандемия башланганнан алып, төбәктә ковид йоктыруның 194 551 очрагы ачыкланган. 2010 кеше ковидтан үлгән, 191 904 кеше бу чирдән терелгән.