Татарстанда тагын 41 кеше коронавирус инфекциясе йоктырган
Татарстанда соңгы тәүлектә тагын 41 кеше коронавирус инфекциясе йоктырган. Шул рәвешле, пандемия башланганнан алып республикада коронавирус инфекциясенең 153 406 очрагы теркәлгән, диелә стопкоронавирус.рф сайты мәгълүматларында.
28 кеше хастаханәгә озатылган, 123 кеше терелгән. Республикада коронавирустан барлыгы 149 952 кеше савыккан.
Узган тәүлектә әлеге чирдән бер үлем-китем очрагы да теркәлмәгән. Соңгы тапкыр мондый очрак 8 июльдә исәпкә алынган иде.