Казанның Мәскәү районы прокуратурасы башкалада яшәүче 34 яшьлек кешегә карата ачылган җинаять эше буенча дәүләт гаепләвен хуплады. Суд аны балаларын үстерүгә тоту өчен акча түләмәүдә гаепле дип тапкан, дип хәбәр итте Татарстан прокуроры ярдәмчесе Яна Невмержицкая.
Судта ачыкланганча, Казан кешесе баласын үстерүгә тоту өчен акча түләргә тиеш булган, әмма 2020 елның маеннан октябрь аена кадәр алимент түләүдән качып йөргән. Шунысын да билгеләп үтәргә кирәк, элек ир-атны шундый ук хокук бозу өчен җаваплылыкка тартканнар булганнар инде.
Алиментлар буенча аның гомуми бурыч 214 мең сум тәшкил иткән.
Суд ир-атны гаепле дип тапкан һәм аңа ике ай төзәтү эшләре рәвешендә җәза билгеләгән. Моннан тыш, алиментчы хезмәт хакының 5 процентын дәүләткә бирәчәк.
