Питрәчтә машина йөртүчеләр техникаларын төзекләндерелгән территорияләрдә калдыра ала.
Район үзәгендә асфальтлы ике яңа парковка барлыкка килде. Берсе Почта урамында туган якны өйрәнү музее каршында, икенчесе – Казан урамында мәчет янында урнашкан. Биредә үз машинасын теләгән һәр кеше калдыра ала. Бу турыда «Алга» сайтында хәбәр ителә.
Объектлар төзелешенә акча муниципаль юл фондыннан бүлеп бирелгән, ягъни эшләр район бюджеты хисабына башкарылган. Парковкалар ясау тулысынча диярлек тәмамланган.