Чаллының Сәүдә-сәнәгать палатасы башлыгы: Безнең илдә азык-төлек иминлеге нык
(Казан, 13 март, «Татар-информ»). Россия, шул исәптән Татарстан, авыл хуҗалыгы тармагы аркасында азык-төлек белән тәэмин ителде, ул соңгы елларда үз үсешендә зур ыргылыш ясады.
«Татар-информ»га «Татарстанның Чаллы шәһәре Сәүдә-сәнәгать палатасы» берлеге генераль директоры Фәрит Бәшәров белдергәнчә, бу халыкның генетик хәтере белән бәйле, курку өчен сәбәп юк.
«Авыр заманнар турында халкыбызның тарихи хәтере бу, шулай итеп без запас булдырырга тырышабыз. Мин илебездә азык-төлек иминлеге бар дип ышанам. Һәм ул шактый нык. Аграрийлар белән аралашып торуым миңа шулай сөйләшү мөмкинлеге бирә. Алар Татарстанны гына түгел, бөтен илне — сөт, йомырка, кош ите, бөртекле ашлык белән тәэмин итә», — диде ул.
«Комбайнчы булып эшләгәндә, без гектардан 18 ц уңышка сөенә идек, ә ле бу имин елда! Шушы ук саннарны без узган елда, корылыклы елда алдык, аны соңгы вакытта иң начар күрсәткеч дип атадык. Безнең илдә авыл хуҗалыгы ныгыды», — диде Чаллы Сәүдә-сәнәгать палатасы башлыгы.