(Казан, 7 декабрь, «Татар-информ», Гөлнар Гарифуллина). Коронавирустан назаль вакцина Татарстанга өч-дүрт айдан кайтырга мөмкин. Бу хакта журналистларга Татарстан сәламәтлек саклау министры Марат Садыйков әйтте.
Шулай да, аның сүзләренчә, назаль вакцина ул мөстәкыйль кулланыла торган саклану чарасы түгел. Ягъни, ул уколны алмаштырмый, ә өстәмә саклаучы чара булып тора.
«Назаль вакцина бит ул өстәмә саклану чарасы кебек: әйтик, „Спутник лайт“ белән ревакцинация ясагач, аны да салдырырга була, чөнки ул организмга вирус үтеп керүгә каршылык тудыра», — дип ачыклык кертте Марат Садыйков.
