(Казан, 13 август, «Татар-информ», Алинә Фәйзрахманова). Татарстанда 20 меңләп кеше коронавирустан вакцинаның икенче компонентын ясатырга килмәгән.
«Кызганычка, схеманы барысы да үтәми. Бер прививка ясыйлар, икенчесенә килмиләр. Әмма иммунитет билгеле бер вакытта ике доза ясалса гына барлыкка килә. Татарстаннан 20 меңләп кеше икенче прививкага килмәде. Без аларны чакырабыз, әмма һәрвакытта да җавап алып булмый», — диде ТР Сәламәтлек саклау министрлыгының баш эпидемиологы Дмитрий Лопушов
Элегрәк «Татар-информ» мәгълүмат агентлыгы хәбәр иткәнчә, беренче вакцина алганнан соң авыручылар икенче компонентны савыкканнан соң (гадәттә 1-1,5 айдан) ясата ала.